ကောင်းကောင်း ကစားနိုင်ရင်တောင် မနိုင်တော့တဲ့ မန်ယူ
----------------------------
မန်ယူ ၂ - ၃ ဂါလာတာစာရေး
ပွဲတစ်ပွဲကို ကောင်းကောင်း ကစားနိုင်ရဲ့သားနဲ့ မနိုင်ဘူးဆိုတာ အသင်းတစ်သင်းအတွက် တော်တော်ကို ဆိုးဝါးတဲ့ ကိစ္စပါ။ ဒီရာသီမှာ ဒီလိုဖြစ်နေတာ ပွဲတွေလည်းများနေပါပြီ။ အခုအနေအထားက မန်ယူနဲ့ ကစားတဲ့ အသင်းမှန်သမျှရလဒ်ကောင်းပါလိမ့်မယ်။ အဲ့လောက်ထိကို အသုံးမကျဖြစ်နေတာပါ။
ထုံးစံအတိုင်း ဂါလာတာစာရေးကို အစီးကစားပါတယ်။ ပွဲချိန်(၁၇)မိနစ်မှာပဲ ဟွိုင်းလန် က ရက်ရှ်ဖို့ဒ် ရဲ့ ဖန်တီးမှုကနေ ခေါင်းတိုက်ပြီး ဂိုးစသွင်းခဲ့ပါတယ်။ သိပ်မကြာလိုက်ပါဘူး။ ဒါလော့ ဇာဟာ ကို တစ်ဦးချင်း ရင်အဆိုင်မှာ ဘယ်လိုမှမထိန်းနိုင်ပဲ ပွဲချိန်(၂၃)မိနစ်မှာ ဂါလာတာစာရေးအတွက် ချေပဂိုးပြန်ပေးခဲ့ရပါတယ်။
ဒုတိယပိုင်း ပွဲချိန်(၆၇)မိနစ်မှာ ဟွိုင်းလန် မန်ယူအသင်းအတွက် ဒုတိယဂိုးသွင်းယူပေးခဲ့ပေမယ့် ခပ်မြန်မြန်ဆိုသလိုပဲ ပွဲချိန်(၇၁)မိနစ်မှာ Aktürkoğlu က ဂါလာတာစာရေးအတွက် ချေပဂိုးပြန်သွင်းပေးခဲ့ပါတယ်။
(၂-၂)ဆိုတဲ့ အနေအထားအထိ မန်ယူနိုင်နိုင်ပါသေးတယ်။ ပွဲရဲ့အလှည့်အပြောင်းကတော့ အိုနာနာ လုပ်ခဲ့တာပါပဲ။ သူ့ရဲ့ ပေးပို့ပုံ ညံ့ဖျင်းခဲ့လို့ ကက်စ်မဲရိုး အနီကတ်ယူပြီး ပယ်နယ်တီဖြစ်အောင် လုပ်ခဲ့ရပါတယ်။ ဒီပယ်နယ်တီကို အီကာဒီ ကန်တာလွဲခဲ့ပေမယ့် (၁၀)ယောက် (၁၁)ယောက်မှာတော့ နိုင်ဖို့ဆိုတာ ခက်ခဲသွားခဲ့ပါတယ်။
ပွဲချိန်(၈၁)မိနစ်မှာ ဂါလာတာစာရေး အနိုင်ဂိုးရခဲ့ပြီး အီကာဒီ ကို မန်ယူခံစစ် လွှတ်ထားခဲ့တာကြောင့်လွတ်လွတ်ကျွတ်ကျွတ် ဘောလုံးကိုဆွဲယူရင်း ဂိုးသွင်းယူခဲ့တာဖြစ်ပါတယ်။
မန်ယူအသင်းက ပလိုင်းပေါက်နဲ့ ဖားကောက်သလိုဖြစ်ခဲ့ပြီး ကြိုးစားထားသလောက် ပေးလိုက်ရတဲ့ ဂိုးတွေကလည်း ပေါပေါပဲပဲဆန်လွန်းပါတယ်။ နောက်ခံလူတွေဖြစ်ပြီး လူကပ်ပုံကလည်း စပယ်ရှယ်ကို ညံံ့ခဲ့ကြတာပါ။ အိုနာနာ ကို ဆက်သုံးနေရင်တော့ တန်ဟက် ပြုတ်တော့မယ်လို့ပဲ ပြောချင်ပါတယ်။
ဆော်ဒီကို ငြင်းတဲ့ ဖာနန်ဒက်စ်
ဇန်နဝါရီအပြောင်းအရွှေ့ကာလတုန်းက ဖာနန်ဒက်စ် ကို ဆော်ဒီဘက်ကနေ ကြီးမားတဲ့ ကမ်းလှမ်း မှုတစ်ခုနဲ့ ကမ်းလှမ်းခဲ့ပါတယ်။
Read Moreမန်ယူ - မန်စီးတီး ပွဲကြိုသုံးသပ်ချက်
မန်ယူအသင်းစိတ်ဓာတ်ပိုင်းတက်နေတဲ့ အနေအထား ၊ ကစားရမှာက အိမ်ကွင်း စတာတွေကြောင့် ရမှတ်ခွဲယူမယ့်ပွဲ ပိုဖြစ်နိုင်တယ်လို့ယူဆပါတယ်။
Read Moreလီဗာပူးလ် - ချယ်လ်ဆီး ပွဲကြိုသုံးသပ်ချက်
ဒီပွဲမှာ ချယ်လ်ဆီးက ဘယ်လိုရလဒ်ပဲ ထွက်ထွက်ဖိအားကင်းကင်းနဲ့ ကစားရမှာက ကျေနပ်စရာပါ။
Read Moreဒဏ်ရာကြောင့် နားရမယ့် အဲရစ်ဆင် နဲ့ ဟွိုင်းလွန်
လူတန်တောင်းကို (၁-၀)နဲ့နိုင်တဲ့ပွဲမှာ အဲရစ်ဆင်နဲ့ဟွိုင်းလွန် တို့ ဒဏ်ရာရခဲ့ကြသလို အခုဆိုရင်တော့ ဒီကစားသမား (၂)ဦးနားရမယ့် အချိန်တွေထွက်ပေါ်လာခဲ့ပြီဖြစ...
Read Moreပရီးမီးယားလိဂ် ဒိုင်ယာရီ (၁၀)
" မန်ချက်စတာ က မိုးပြာရောင် "
Read More