အာဆင်နယ် နဲ့ စပါး တို့ရဲ့မျှတခဲ့တဲ့ သရေလဒ်
------------------------------------------
အာဆင်နယ် ၂ - ၂ စပါး
ဒီပွဲမှာ ကံမကောင်းခဲ့တဲ့ သူကတော့ စပါးနောက်ခံလူ ရိုမဲရိုး ပါပဲ။ အာဆင်နယ် ရခဲ့တဲ့ ပွဲချိန်(၂၆)မိနစ်ပထမဂိုးက သူ့ရဲ့ (OG)ဖြစ်ခဲ့သလို အာဆင်နယ်ရခဲ့တဲ့ ပယ်နယ်တီကလည်း သူ့လက်နဲ့ ထိခဲ့တာပါ။ ဒီပယ်နယ်တီကို ဆာကာ က ပွဲချိန်(၅၄)မိနစ်မှာ အမှားအယွင်းမရှိ ဂိုးအဖြစ်ပြောင်းလဲပေးခဲ့ပါတယ်။ ထောက်ပြစရာရှိတာကတော့ ရိုမဲရိုး လက်နဲ့မထိခင် စပါးကစားသမား ပြစ်ဒဏ်ကျူးလွန်ခံရမှုကို VAR က လျစ်လျူရှုခဲ့တာပါပဲ။
ပထမပိုင်းမှာ အာဆင်နယ်အခွင့်အရေးပိုရခဲ့ပါတယ်။ဒါပေမယ့် ဖြုန်းတီးခဲ့တယ်လို့ပဲ ပြောရမှာပါ။ စပါးရဲ့ကန်သွင်းချက်တွေကိုတော့ အာဆင်နယ်ဂိုးသမား ရာယာ လက်စွမ်းပြကာကွယ်ခဲ့ပြီး တော်တော်လေး ကောင်းခဲ့ပါတယ်။ စပါးရဲ့ ဆွန်ဟောင်မင် ၊ မက်ဒီဆင်အတွဲကလည်း အတွဲညီခဲ့သလို အာဆင်နယ်ကို ဖိအားပေးနိုင်ခဲ့ပါတယ်။ စပါးအတွက် ပထမချေပဂိုးကိုတော့ ပွဲချိန်(၄၂)မိနစ်မှာ မတ်ဒီဆင် ရဲ့ ဖန်တီးမှုကနေ ဆွန်ဟောင်မင် က ပြေးဝင်ပိတ်သွင်းယူခဲ့တာပါ။
ဒုတိယပိုင်းအစမှာပဲ ဂျော်ဂျင်ဟို ၊ ဟာဗက်ဇ် တို့လူစားဝင်လာခဲဲ့ကြပေမယ့် ကစားပုံက ထင်သလောက် တက်မလာခဲ့ပါဘူး။ ဟာဗက်ဇ် ကတော့ ရုန်းကန်နေရတုန်းဖြစ်ပြီး အာတီတာ မှာ အဲ့အတွက် အခုထိ အဖြေမရှိသေးပါဘူး။ စပါးရခဲ့တဲ့ ဒုတိယဂိုးကတော့ အာဆင်နယ်ခံစစ်အမှားကနေဖြစ်ပြီး မတ်ဒီဆင် နဲ့ ဆွန်ဟောင်မင် အတွဲအဖက်ကနေပဲ ပွဲချိန်(၅၅)မိနစ်မှာ ဆွန်ဟောင်မင် က သွင်းယူခဲ့တာဖြစ်ပါတယ်။
ခြုံပြောရရင် အာဆင်နယ်ကစားပုံ ပုံမှန်အောက်ရောက်ခဲ့ပြီး စပါးကတော့ ကောင်းကောင်းကစားနိုင်ခဲ့တယ်လို့ မြင်ပါတယ်။ သရေကျခဲ့တာကြောင့် (၂)သင်းလုံး ရှုံးပွဲမရှိသေးတဲ့ အခြေအနေကိုဆက်ထိန်းနိုင်ခဲ့ကြပြီး ရမှတ်(၁၄)မှတ်စီ ရရှိထားကြပါတယ်။
စပါးအသင်းကို ရောက်ရှိလာခဲ့ပြီဖြစ်တဲ့ ဗာနာ
ဗာနာ ဟာ စပါးအသင်းကို ရာသီကုန်ထိ အငှားစာချုပ်နဲ့ရောက်လာခဲ့တာပါ။
Read Moreရမှတ်ခွဲယူခဲ့ကြတဲ့ လီဗာပူးလ်နဲ့ အာဆင်နယ်
ဒုတိယပိုင်းမှာတော့ ပွဲက ပထမပိုင်းကလောက် မကောင်းတော့ပဲ လီဗာပူးလ်ကတော့ အာဆင်နယ်ထက်ပိုကောင်းအောင် ကစားလာနိုင်ခဲ့ပါတယ်။
Read Moreမန်ယူ - ဘရိုက်တန် ပွဲကြိုသုံးသပ်ချက်
နည်းပြတန်ဟက်မှာလည်း မန်ယူအသင်းအတွက် နိုင်ပွဲရှာဖွေပေးရမယ်ဆိုတဲ့ ဖိအားရှိနေပါတယ်။
Read Moreပရီးမီးယားလိဂ် ဒိုင်ယာရီ (၄)
" VAR မျဥ်းတစ်ကြောင်းကြောင့် ကွဲအက်သွားခဲ့တဲ့ အသည်းတွေ "
Read Moreကာတာမြေကို ပြောင်းရွှေ့ခဲ့တဲ့ ကော်တင်ဟို
လီဗာပူးလ်ကနေ ဘာစီလိုနာ ပြောင်းခဲ့တာက အခုလိုဖြစ်ရခြင်းတွေရဲ့ မြစ်ဖျားခံရာပါပဲ။
Read More