အပြန်အလှန်သွင်းဂိုးတွေနဲ့ ဖျော်ဖြေခဲ့ကြတဲ့ ဘိုင်ယန်မြူးနစ် နဲ့ မန်ယူ
-----------------------------
ဘိုင်ယန်မြူးနစ် ၄ - ၃ မန်ယူ
နိုင်ပွဲနဲ့ ထိုက်တန်တဲ့အသင်းက နိုင်ခဲ့တာပါ။ အကောင်းဆုံး ကြိုးစားခဲ့တဲ့ မန်ယူအသင်းဟာလည်း ပြန်လာဖို့အတွက် အပေါင်းလက္ခဏာဆန်တာတွေရှိခဲ့ပါတယ်။ ဒီပွဲမှာ အပြစ်တင်ချင်တယ်ဆိုရင်တော့ ရည်ရွယ်ချက်မရှိပဲ ဘောလုံးကို လက်နဲ့ထိခဲ့တဲ့ အနေအထားမှာ ပယ်နယ်တီပေးခဲ့တဲ့ ကွင်းလယ်ဒိုင်ပဲ ဖြစ်ပါလိမ့်မယ်။
မန်ယူက အစကောင်းခဲ့ပါတယ်။ အိုနာနာ ကြောင့် ကစားကွက်စတင်မှု ၊ ပြန်တွဲလို့ရတဲ့ အနေအထားတွေနဲ့ သက်တောင့်သက်သာ ကစားနိုင်ခဲ့ပေမယ့် သူ့အမှားလုပ်ခဲ့လို့ပဲ ဖိအားစဝင်ခဲ့ရပါတယ်။ ပွဲချိန် (၂၈)မိနစ်မှာ ဆာနေး ရဲ့ကန်ချက် ဘိုင်ယန်မြူးနစ်ရဲ့ ပထမဂိုးက အိုနာနာ ရောင်းခဲ့တာပါ။ ဘိုင်ယန်မြူးနစ်အတွက် ဒုတိယဂိုးကိုတော့ ပွဲချိန်(၃၂)မိနစ်မှာ မန်ယူနောက်တန်းပေါ့ဆမှုကြောင့် ပယ်နယ်တီဧရိယာထဲမှာ လူကပ်ခံမထားရတဲ့ နာဘရီ က သွင်းယူခဲ့တာဖြစ်ပါတယ်။ ဘိုင်ယန်မြူးနစ်က ရိုးရာအတိုင်း တောင်ပံတွေပဲ အားပြုခဲ့ပြီး ဆာနေး ခြေပေါ်ခဲ့ပါတယ်။
ဒုတိယပိုင်း ပွဲချိန်(၄၉)မိနစ်မှာတော့ မန်ယူအသင်းချေပဂိုးစရခဲ့ပြီး တိုက်စစ်မှုးသစ် ဟွိုင်းလွန် က သူ့ရဲ့ မန်ယူကစားသမားဘဝ ပထမဆုံးဂိုးအဖြစ် သွင်းယူခဲ့တာပါ။ ချက်ခြင်းဆိုသလိုပဲ အဲရစ်ဆင် လက်နဲ့ထိခဲ့လို့ ဘိုင်ယန်မြူးနစ် ပယ်နယ်တီရခဲ့ပြီး ဟယ်ရီကိန်း က ပွဲချိန်(၅၄)မိနစ်မှာ ဂိုးအဖြစ်ပြောင်းလဲပေးခဲ့ပါတယ်။ (၃-၁)ဖြစ်သွားချိန်မှာတော့ မန်ယူအသင်း စိတ်ဓာတ်ကျသလို ဖြစ်သွားပြီး ဘိုင်ယန်မြူးနစ်ကသာ ပွဲကိုစိုးမိုးထားလိုက်ပါတယ်။
ပွဲပြီးခါနီးမှာတော့ မာစီယဲလ် ၊ ဂါနာချို တို့ကိုထည့်ပြီး တန်ဟက် တိုက်စစ်အပြောင်းအလဲလုပ်ခဲ့သလို အဆင်လည်းပြေခဲ့ပါတယ်။ မာစီယဲလ် နဲ့ ဂါနာချိုကြောင့် ဘိုင်ယန်မြူးနစ်ခံစစ် အလုပ်ပိုများလာခဲ့ပြီး ပွဲချိန်(၈၈)မိနစ်မှာ ကက်စ်မဲရိုး က တစ်ကိုယ်တော်အစွမ်းနဲ့ ချေပဂိုး ထပ်သွင်းပေးခဲ့ပါတယ်။ ပွဲချိန်(၉၂)မိနစ်မှာတော့ ဘိုင်ယန်မြူးနစ် စတုတ္ထဂိုးရခဲ့ပြီး တဲလ် က ကန်သွင်းယူခဲ့တာဖြစ်သလို မန်ယူအသင်းအတွက် တတိယချေပဂိုးကိုတော့ ဖာနန်ဒက်စ် ရဲ့ ဖရီးကစ်ကနေ ကက်စ်မဲရိုး က ပွဲချိန်(၉၅)မိနစ်မှာ ခေါင်းတိုက်သွင်းယူခဲ့တာ ဖြစ်ပါတယ်။
မန်စီးတီးမှာလည်း ပုံမှန်လောက်ပဲ သွားခဲ့သလို အခု ဘာစီလိုနာမှာလည်း ပုံမှန်လောက်ပါပဲ။
Read More(၂၀၂၇)ခုနှစ်ထိ စာချုပ်သက်တမ်းတိုးခဲ့တာဖြစ်ပြီး လစာငွေလည်း တိုးမြှင့်ရရှိသွားမှာပါ။
Read MorePSG ကနေ ထွက်ခဲ့တဲ့ အချိန်အရောက်မှာ ရာမို့စ် ရဲ့ အနာဂတ်ဟာ ဘယ်ကိုရောက်မလဲဆိုတာ စိတ်ဝင်စားစရာဖြစ်ခဲ့ပါတယ်။
Read Moreဒါဟာ လက်ရှိမှာ ခြေစွမ်းပိုင်းအတက်အကျ ပုံမှန်မရှိတဲ့ ချယ်လ်ဆီးအသင်းအတွက် အားရစရာအခြေအနေတစ်ခုပါပဲ။
Read Moreဒီတော့ အပြန်အလှန် ထိုးဖောက်မှုတွေကို မြင်ခဲ့ရပြီး ပွဲက မြိုင်မြိုင်ဆိုင်ဆိုင်လည်း ရှိခဲ့ပါတယ်။
Read More