ပရီးမီးယားလိဂ်(၄)နှစ်ဆက်ချန်ပီယံ မန်စီးတီး
----------------------------
ဒီနေ့ညကတော့ မန်စီးတီးနဲ့ အာဆင်နယ် (၂)ပွဲလုံးကို တစ်လှည့်စီပြောင်းပြီးကြည့်ခဲ့ရတာပါပဲ။ ပွဲအစ (၂)မိနစ်မှာတင် ဖိုဒန် ရဲ့ အလန်းစားဂိုး ကစောစောစီးစီးပွဲပြီးပြီလို့ မပြောရုံတမယ်ဖြစ်ခဲ့တာပါ။ ကိုယ်တွေက ပိုပြီး ကြည့်ကောင်းတဲ့မြိုင်မြိုင်ဆိုင်ဆိုင်ကို မျှော်လင့်ထားတော့ တစ်မျိုးကြီးဖြစ်သွားခဲ့ပါတယ်။ ပြီးတော့ ဖိုဒန် ရဲ့ နောက်တစ်ဂိုးကြောင့် (၁၈)မိနစ်မှာတင် မန်စီးတီး က (၂-၀)။
အဲ့ဒီအချိန်ထိ အာဆင်နယ်က တိုင်ပတ်နေတုန်း။ ဂိုးရဖို့ ရုန်းကန်နေရတုန်း။ ပြီးတော့ ဂိုးရသွားတာက အဲဗာတန်။ မိနစ်(၄၀)မှာပဲ ဂေးယီ ကသွင်းခဲ့တယ်။ သက်သာသွားတာက ချက်ခြင်းဆိုသလို တိုမီယာဆု က ချေပဂိုးပြန်ရှာပေးခဲ့တာပါ။ တစ်ဖက်မှာတော့ မန်စီးတီး က ကွန်ဒက်စ် ရဲ့ နောက်ပြန်ကန်ချက်ဂိုးနဲ့ (၂-၁)ဖြစ်သွားတယ်။ ပထမပိုင်းပြီးတော့ ပွဲတွေက (၂-၁)နဲ့ (၁-၁)။
ဒုတိယပိုင်းမှာ မန်စီးတီး - ဝက်စ်ဟမ်း ပွဲက ပိုကြည့်ကောင်းလာတယ်။ ဒါပေမယ့် ထုံးစံအတိုင်း ရိုဒရီ က ဖိအားနည်းနည်းရှိနေတဲ့ အသင်းကို ကယ်တင်ပေးခဲ့ပြီး သူ့ရဲ့ဂိုးနဲ့ (၃-၁)ဖြစ်သွားတယ်။ မန်စီးတီးအတွက် ပွဲကလွယ်သွားပြီ။ အာဆင်နယ်က အနိုင်ဂိုးရဖို့ ခဲရာခဲဆစ်ကြိုးစားနေတုန်း။ ပွဲပြီးခါနီး (၈၉)မိနစ်မှာ ဂျေးဆု ၊ အိုဒီဂတ် တို့ကနေ တစ်ဆင့် ဟာဗက်ဇ် က အာဆင်နယ်အတွက် အနိုင်ဂိုးသွင်းခဲ့တယ်။ ပွဲချိန် (၈၈)မိနစ်မှာ ဆိုချက် ရဲ့ ဂိုးကို VAR နဲ့ ပယ်ဖျက်ခဲ့တာကလည်း မန်စီးတီးအတွက် ကံကောင်းမှုတစ်ခုပါပဲ။
လူတွေက အချိန်တန်ရင် ဒုတိယကိုမေ့သွားကြတယ်ဆိုပေမယ့် (၂)ရာသီဆက် ချန်ပီယံဖြစ်လုနီးပါးဖြစ်ခဲ့တဲ့ အာဆင်နယ် ကိုတော့ ဒုတိယဖြစ်တာတောင် မေ့မှာမဟုတ်ပါဘူး။ မန်စီးတီးက ကောင်းလွန်းအားကြီးလို့သာ အာဆင်နယ်တို့ လွဲခဲ့ရတာဖြစ်ပြီး မန်စီးတီးကဆက်တိုက်ချန်ပီယံဆုတွေနဲ့ ထိုက်တန်လွန်းတဲ့ အသင်းပဲ ဖြစ်ပါတယ်။
လီဗာပူးလ်ကို အကောင်းဆုံးကစားပြီး အနိုင်ယူခဲ့တဲ့ အာဆင်နယ်
အာဆင်နယ် ၃ - ၁ လီဗာပူးလ် အာဆင်နယ် ဒီပွဲဘာလို့နိုင်လဲဆိုပြီး မေးခွန်းထုတ်ရင် စိတ်ဓာတ်ကြောင့်ပဲလို့ ဖြေချင်ပါတယ်။ ။
Read Moreမန်ချက်စတာဒါဘီ က ပျင်းစရာကောင်းသွားပြီ
မန်စီးတီး ခြေနည်းနည်းကျနေချိန်မှာတောင် အိမ်ကွင်းမှာ မန်ယူက ဘာဆိုဘာမှမလုပ်ပြနိုင်ခဲ့ဘူး။
Read Moreဗီလာ ကနေစမယ်
ပြောင်းရွှေ့ကြေး ယူရို (၂၃)သန်း ၊ အပိုဆုကြေးယူရို(၃)သန်းဆိုတော့ မဆိုးဘူးလို့ပြောလို့ရပါတယ်။
Read Moreမန်စီးတီးအသင်းနဲ့ စာချုပ်သက်တမ်းတိုးခဲ့တဲ့ ဘာနာဒိုဆေးဗားလ်
မန်စီးတီးအသင်းနဲ့သက်တမ်းကတော့(၁)နှစ်ပဲ တိုးခဲ့တာဖြစ်ပေမယ့် (၂၀၂၆) ခုနှစ်ထိ အသင်းမှာ ဆက်ရှိနေတော့မှာ ဖြစ်တယ်။
Read Moreဂါလာတာစာရေး ကို ပြောင်းရွှေ့ခဲ့တဲ့ အီကာဒီ
ကျောနံပါတ်(၉)ကို ဝတ်ဆင်သွားမယ့် အီကာဒီ ဟာ ဂါလာတာစာရေးအသင်းမှာ တစ်နှစ်လုပ်ခ ယူရို(၆)သန်းရရှိသွားမှာ ဖြစ်ပါတယ်။
Read More