PFA Players' Player of the year ဆုကို ရရှိခဲ့တဲ့ ဟာလန်း

PFA Players' Player of the year ဆုကို ရရှိခဲ့တဲ့ ဟာလန်း

----------------------------------------------------------

မန်စီးတီးအသင်း တိုက်စစ်မှုး ဟာလန်းဟာ PFA Players' Player of the year ဆုကို ရရှိခဲ့ပါတယ်။အသက် (၂၃)နှစ်ရှိပြီဖြစ်တဲ့ ဟာလန်း ဟာ မန်စီးတီးအသင်းနဲ့ ပထမဆုံးရာသီမှာတင် ပြိုင်ပွဲစုံ သွင်းဂိုး (၅၂)ဂိုး ထိသွင်းယူခဲ့တာပါ။ 

မန်စီးတီးအသင်းဟာ ပြီးခဲ့တဲ့ရာသီက ပရီးမီးယားလိဂ်၊ FA ဖလားနဲ့ ချန်ပီယံလိဂ် ဆုဖလား(၃)လုံး ဆွတ်ခူးခဲ့ပြီး ဒီဆုဖလားတွေကို ရရှိခဲ့တဲ့နေရာမှာ ဟာလန်း က အဓိကနေရာကပါဝင်ခဲ့တာဖြစ်ပါတယ်။ 

“ ဒီဂုဏ်ထူးဆောင်ဆုကို ဆွတ်ခူးရတာ ဂုဏ်ယူကြောင်း ၊ ပြိုင်ဘက်တွေရဲ့ အသိအမှတ်ပြု မဲပေးတာကိုကျေးဇူးတင်ကြောင်း ၊ ဆုဖလား(၃)လုံး ရရှိခဲ့တာက မမေ့နိုင်စရာရာသီတစ်ခု ဖြစ်ကြောင်း " ဟာလန်း က ပြောကြားခဲ့ပါတယ်။ 

ဟာလန်းဟာ (၂၀၂၂)ခုနှစ် ဇွန်လမှာ ဒေါ့မွန်ကနေ မန်စီးတီးအသင်းကို ပေါင်(၅၁.၂)သန်းနဲ့ ပြောင်းရွှေ့လာခဲ့တာဖြစ်ပြီး သူ့ရဲ့စွမ်းဆောင်ရည်ကောင်းတွေကြောင့် အခုလို PFA Players' Player of the year ဆုကို ရရှိခဲ့တာ ဖြစ်ပါတယ်။