လီဗာပူးလ် အာဆင်နယ် ပွဲတွေကို ဘယ်လိုကျော်ဖြတ်မလဲ

လီဗာပူးလ် အာဆင်နယ် ပွဲတွေကို ဘယ်လိုကျော်ဖြတ်မလဲ

-------------------------- 

လက်ရှိ မန်ယူအသင်းရဲ့ အခြေအနေတွေက ရလဒ်ဆိုးတွေနဲ့သာ ပြည့်နေတယ်။ 

အသင်းရဲ့အမာခံအားပေးသူတွေကြားထဲမှာလည်း နောက်တန်း (၄)ယောက်ပြန်သုံးစေချင်ကြတာက တစ်ဖက် ၊ နောက်တန်း(၃)ယောက်ပဲ ကောင်းတယ်ဆိုတာကတစ်ဖက်ဖြစ်နေတယ်။ 

ဒီတော့ လီဗာပူးလ် အာဆင်နယ် ပွဲတွေကို ဘယ်လိုကျော်ဖြတ်မလဲ ဆိုတာမှာ အတွေးသိပ်မရောက်ကြဘူး။ 

ဒီအနေအထားမှာ ဘယ်လိုကျော်ဖြတ်ကြမလဲကို စဥ်းစားရမယ့်အပိုင်းရောက်လာတယ်။ 

ပထမဆုံး လီဗာပူးလ် ပေါ့။ 

အရှုံးလို့ပဲစတွက်ရမှာပါပဲ။ ဒါပေမယ့် ထင်ထားသလို ဂိုးပြတ်တွေဖြစ်ဖို့ခက်ပါတယ်။

ဘာလို့လဲဆိုတော့ လီဗာပူးလ် ရလဒ်တော်တော်ကောင်းနေပြီး မန်ယူက ရလဒ်တွေတော်တော်ကျဆင်းနေလို့ပါ။ 

ဘောလုံးမှာက သူ့အလှည့် ၊ ကိုယ့်အလှည့်ပြန်ပေးရတာလေးတွေရှိလို့ ဒါလေးတွေထည့်တွက်မယ်ဆို အရင်ကလို (၅)ဂိုးပြတ်တွေ ဘာတွေဖြစ်မလာနိုင်တော့ပါဘူး။ 

အာဆင်နယ် နဲ့ အက်ဖ်အေပွဲကိုတော့ မျှော်လင့်ချက်လေး နည်းနည်းပိုထားလို့ရပါတယ်။ 

အာဆင်နယ် ပရီးမီးယားလိဂ်ပဲလိုချင်တာ ၊ အာဆင်နယ် ကွင်းအတွေ့အကြုံ အမော်ရင် မှာ ရှိနေတာ ၊ အာဆင်နယ် နဲ့ပွဲမှာ ထောင့်ကန်ဘောတွေသာထည့်မတွက်ရင် မန်ယူကစားတာ တော်တော်အဆင်ပြေခဲ့တာတွေကြောင့်ပါပဲ။ 

နောက်တစ်ခုကတော့ ဆုဖလားတစ်လုံးမျှော်လင့်ချက်အတွက် မန်ယူကစားသမားတွေ ရှိသမျှ အားအကုန် ရုန်းလာကြမယ့် အခြေအနေပါ။ 

ဘောလုံးမှာ မထင်ထားတာတွေဖြစ်တတ်တယ်ဆိုတာမျိုးကိုလည်း မြင်တွေ့သွားရနိုင်တဲ့ ပွဲမျိုးလည်းဖြစ်ပါတယ်။ 

ပြောရမယ်ဆိုရင်တော့ ဒါတွေက အကောင်းတွေးထားတာပါ။ ဖြစ်လာနိုင်ခြေတွေလည်းရှိပါတယ်။ 

အမော်ရင် နဲ့ မန်ယူအသင်း အားပေးသူတွေပျော်ရမယ့် အချိန်လေးတွေ အဲဒီပွဲတွေမှာမရှိတောင် အဲဒီပွဲတွေအပြီးမှာတော့ ပျော်ရမယ့်ပွဲတွေရှိိလာနိုင်ပါတယ်။