အငြင်းပွားစရာ အခြေအနေတွေရှိခဲ့တဲ့ ရီးယဲလ် - ဘိုင်ယန်မြူးနစ်
--------------------------------
ရီးယဲလ် ၂-၁ ဘိုင်ယန်မြူးနစ်
(နှစ်ကျော့ပေါင်း ၄-၃ နဲ့ ရီးယဲလ် ဗိုလ်လုပွဲတက်)
ဒီပွဲမှာ နှစ်သင်းလုံးကစားတာကောင်းပါတယ်။ ဘောလုံးမှာပိုကောင်းတဲ့အသင်းက အနိုင်ရတယ်ဆိုပေမယ့် ဒီလိုအနိုင်ရဖို့အတွက် ကံကြမ္မာကောင်းတွေရဖို့လည်း လိုပါသေးတယ်။ ရီးယဲလ် က ဒီပွဲမှာ အနိုင်ရဖို့အတွက် ကံကောင်းခဲ့ပါတယ်။
ဒီပွဲမှာ ဘိုင်ယန်မြူးနစ်ရဲ့ ကစားသွားတဲ့ပုံကို သဘောကျပါတယ်။ ရီးယဲလ် ဘယ်လောက်ပဲဖိအားပေးပေး ဘောလုံးရတာနဲ့ ကစားကွက်ကို လှလှလေးပြန်ဆင်သွားခဲ့တာပါ။ ဒီလိုလုပ်ဖို့မှာ တစ်သင်းလုံးရဲ့တည်ငြိမ်မှုက အရေးပါသလို မူဆီယယ်လာ ကြောင့်လည်း ဒီလိုကစားနိုင်ခဲ့တာဖြစ်ပါတယ်။ ရီးယဲလ်မှာတော့ ဗီနီစီယက်စ် က အဓိကဖြစ်ခဲ့ပြီး တစ်ချိန်လုံး ကြိုးစားအားထုတ်မှုအပြည့်နဲ့ ကစားသွားခဲ့ပါတယ်။
ဦးဆောင်ဂိုးကိုတော့ ဘိုင်ယန်မြူးနစ်က စရခဲ့တာဖြစ်ပြီး ဟယ်ရီကိန်း ရဲ့တိကျတဲ့ပေးပို့မှုမှာ အယ်လ်ဖွန်ဆိုဒေးဗစ် က ရီးယဲလ် ဂိုးဧရိယာထဲဆွဲဝင်ပြီး ညာခြေနဲ့ လှလှပပ ပွဲချိန်(၆၈)မိနစ်မှာ ကန်သွင်းယူခဲ့တာဖြစ်ပါတယ်။ ဘိုင်ယန်မြူးနစ် ရဲ့ ဦးဆောင်မှုကိုခံလိုက်ရပေမယ့် ရီးယဲလ်က ပြန်လုပ်နိုင်တာ ဘာမှမရှိခဲ့တာကြောင့် ဒီလိုနဲ့ပဲ ပွဲပြီးတော့မယ် ထင်နေချိန်မှာ (၂)ဖက်အသင်းရဲ့ လူစားလဲမှုတွေက ပွဲရဲ့အလှည့်အပြောင်းတွေဖြစ်ခဲ့ပါတယ်။
တူဟယ်လ် က မူဆီယယ်လာ နဲ့ ဟယ်ရီကိန်း တို့ကို လူစားလဲခဲ့သလို ဂိုးရဖို့လိုနေတဲ့ ရီးယဲလ်ကတော့ ဟိုဆေးလူ ၊ ဒီယက်ဇ် တို့ကိုထည့်ပြီး တိုက်စစ်မြှင့်ခဲ့ပါတယ်။ ပွဲချိန်(၈၈)မိနစ်မှာတော့ ရီးယဲလ်ချေပဂိုးရခဲ့ပြီး ဗီနီစီယက်စ် ရဲ့ကန်ချက် နူအာ ဖမ်းတာညံ့ခဲ့လို့ ပြန်ထွက်လာတဲ့ ဘောလုံးကို ဟိုဆေးလူ က ပိတ်သွင်းယူခဲ့တာဖြစ်ပါတယ်။ ချေပဂိုးရရပြီးခြင်းမှာပဲ ရီးယဲလ်ကသာဆက်တိုက်ဖိအားပေးခဲ့သလို ပွဲချိန်(၉၁)မိနစ်မှာတော့ ရူဒီဂါ ဖြတ်ထည့်ပေးလိုက်တဲ့ ဘောလုံးကို ဟိုဆေးလူ က ပဲပိတ်သွင်းကာ အနိုင်ဂိုးအဖြစ်ပြောင်းလဲပေးခဲ့ပါတယ်။ ဒီဂိုးကတော့ အငြင်းပွားစရာအခြေအနေဖြစ်ပြီး ဟိုဆေးလူ လူကျွံအနေအထားမှာရှိခဲ့ပေမယ့် သွင်းဂိုးကို ခွင့်ပြုပေးခဲ့တာပါ။ နောက်ပိုင်းမိနစ်တွေမှာတော့ ပွဲကပိုဆူသွားခဲ့ပြီး ဒိုင်ရဲ့ဆုံးဖြတ်ချက် မပီသတဲ့ အငြင်းပွားစရာတွေကိုဆက်တွေ့ခဲ့ရပါတယ်။ ပွဲပြီးခါနီးမှာ လူစားဝင်လာပြီး (၂)ဂိုးသွင်းခဲ့တဲ့ တိုက်စစ်မှုး ဟိုဆေးလူ ကတော့ ဒီပွဲရဲ့ မင်းသားဖြစ်ခဲ့ပါတယ်။
မန်ယူအသင်းရဲ့တိုက်စစ်မှုး အပျောက်ပုံစံမှာ တွမ်မီနေး နဲ့ ဖာနန်ဒက်စ် က တိုက်စစ်မှုး လိုလို ၊ No.10 Role လိုလိုကစားပြီး ၊ ခံစစ်ကိုလည်း ကူပါတယ်။
Read Moreအသင်းကိုလည်း တန်ဟက် စိတ်တိုင်းကျပြင်ဆင်နေပြီး အပြောင်းအရွှေ့တွေကအချိန်နည်းနည်း ကြန့်ကြာတာမျိုးတွေရှိပေမယ့် အချိန်တန်ရင် သူ လိုချင်တဲ့သူ အကုန်ရနေပါတယ်။
Read Moreသူ့ကြည့်ရတာ ဘောလုံးကစားရတာလည်း တော်တော်လေးကိုပျော်ရွှင်နေတဲ့ပုံပါ။
Read Moreဒီတော့ ကွန်တီ ဟာ ဆော်ဒီကို သွားမယ်ဆို သွားဖို့အတွက် နီးနီးစပ်စပ်ရှိခဲ့တဲ့ပုံပါပဲ။
Read Moreပြိုင်ပွဲစုံ ထိပ်တိုက်တွေ့ဆုံမှု နောက်ဆုံး (၆)ကြိမ်မှာ (၆)ကြိမ်လုံး မန်စီးတီးပဲ နိုင်ထားတဲ့အထိ လက်ရှိမှာ ချယ်လ်ဆီးအပေါ်အသာယူထားတာပါ။
Read More