မန်ယူ - လီဗာပူးလ် ပွဲကြိုသုံးသပ်ချက်

မန်ယူ - လီဗာပူးလ်

Super Sunday ည (၁၀:၀၀) နာရီ 

မန်ယူအသင်းရဲ့ ဆုဖလားမျှော်လင့်ချက်အတွက် အရေးကြီးတဲ့ပွဲဖြစ်လို့ ရလဒ်ကောင်းဖို့လိုပါတယ်။ ဒီပွဲမှာ ဒဏ်ရာရနေတဲ့ ကစားသမားတွေဖြစ်တဲ့ ဟွိုင်းလွန် ၊ မက်ဂွိုင်းယား ၊ ဘစ်ဆာကာ ၊ မေဆန်မောင့် တို့ပြန်ပါလာကြမှာဖြစ်လို့ အသင်းရဲ့ လူစာရင်းပိုင်းကတော့ ပိုတောင့်တင်းနေပါတယ်။ ဒီတော့ ဒီပွဲမှာရလဒ်ကောင်းတစ်ခုကိုမျှော်လင့်ခွင့်ရှိနေပါတယ်။ ဒီရာသီမှာ Top 3 စာရင်းဝင်အသင်းတွေဆို လုံးဝမနိုင်သေးဘူးဆိုတဲ့ အချက်ကလည်း နည်းပြတန်ဟက်နဲ့ ကစားသမားတွေဖြေရှင်းရမယ့် ပုစ္ဆာပါပဲ။ FA ဖလားဆို အိုးထရက်ဖို့ဒ်ကွင်းမှာ လီဗာပူးလ်နဲ့ ကစားရင် ရလဒ်ကောင်းရတယ်ဆိုတာကတော့ ဒီပွဲစဥ်အတွက် မန်ယူအသင်းရဲ့ အားတက်စရာအချက်တစ်ခုပဲ ဖြစ်ပါတယ်။ 

လီဗာပူးလ်ကတော့ တကယ်ကိုကောင်းပါတယ်။ ပြိုင်ပွဲစုံကစားနေလို့လည်း ပွဲပန်းမှုဒဏ်ရှိနိုင်တာကိုတော့ ထည့်တွက်ရမှာပါ။ လီဗာပူးလ်က ကောင်းကောင်းကြီးရှေ့ဆက်နေပြီး မန်စီးတီးကိုလည်း အသာကစားထားလို့ ဒီပွဲမှာ အနိုင်ရဖို့ရေပန်းစားနေတာက ပုံမှန်အနေအထားပါပဲ။ ရှေ့ ၊ လယ် ၊ နောက် ၊ ဂိုး နေရာစုံကောင်းတယ်။ စွမ်းဆောင်ရည်ကောင်းတွေပြနေတဲ့ အန်ဒို မန်ယူကွင်းလယ်ကို အသာယူနိုင်မလားဆိုတာကလည်း စိတ်ဝင်စားဖို့ကောင်းပါတယ်။ လီဗာပူးလ်က ပြိုင်ပွဲစုံကစားနေရပြီး ဒဏ်ရာတွေလည်းရှိနေသေးလို့ ဒီပွဲမှာလူတော့ ချန်လာတာမျိုးတွေလုပ်လာနိုင်ပါတယ်။ 

ဒီပွဲအတွက် ရလဒ်ခန့်မှန်းမှုအပိုင်းမှာတော့ နည်းလမ်းကျကျနဲ့ လီဗာပူးလ်ကိုပဲ ရွေးရမှာပါ။ လီဗာပူးလ် နိုင်မယ်။ (၁-၂)လောက်ဖြစ်နိုင်ပါတယ်။