ဂျက်ဆင် ကြောင့် အက်ဖ်အေဖလား ဗိုလ်လုပွဲနဲ့ဝေးခဲ့ရတဲ့ ချယ်လ်ဆီး

Published 1 month ago by Bawlonelive

ဂျက်ဆင် ကြောင့် အက်ဖ်အေဖလား ဗိုလ်လုပွဲနဲ့ဝေးခဲ့ရတဲ့ ချယ်လ်ဆီး

------------------------------ 

မန်စီးတီး ၁ - ၀ ချယ်လ်ဆီး 

ပရီးမီးယားလိဂ်က (၄-၄) ၊ (၁-၁) သရေကျတဲ့ပွဲတွေမှာ ချယ်လ်ဆီးဟာ ဒီရလဒ်ကောင်းတွေကို နည်းဗျူဟာပိုင်း မှန်ကန်မှုတွေကြောင့်ရခဲ့တာပါ။ ဆိုလိုချင်တဲ့ သဘောက မန်စီးတီးကို ယှဥ်ကစားဖို့မလွယ်လို့ ရလဒ်ကောင်းမယ့်လမ်းကိုရွေးခဲ့ကြတာဖြစ်ပါတယ်။ အခုပွဲကတော့ အဲဒီပွဲတွေနဲ့ ပြောင်းပြန်ပါ။ ချယ်လ်ဆီးက မန်စီးတီးကို အကောင်းဆုံးယှဥ်ကစားသွားခဲ့ပါတယ်။ မန်စီးတီးကတောင် အနိမ့်ပိုင်းရောက်နေတဲ့ အချိန်တွေရှိခဲ့ပြီး အနိုင်ရလဒ်က ကံတရားဖေးမမှုလို့တောင် ပြောလို့ရပါတယ်။ 

ဒီပွဲမှာ မန်စီးတီးရဲ့ နေရာစုံက အားရစရာမရှိခဲ့ပါဘူး။ ပြောရမယ်ဆို မန်စီးတီးက အဆင့်အတန်းနဲ့ ကိုက်ညီတဲ့ပုံစံမျိုးတောင်မကစားနိုင်ခဲ့တာပါ။ ခံစစ်အစွန်တွေဆိုလည်း တစ်ပွဲလုံးပေါက်နေခဲ့ပြီး ချယ်လ်ဆီးက ကောင်တာတိုက်စစ်အားမကောင်းလို့သာ မန်စီးတီးခံသာခဲ့တာဖြစ်ပါတယ်။ ဒီပွဲမှာတော့ ချယ်လ်ဆီးတိုက်စစ်မှုး ဂျက်ဆင် ကိုအပြစ်တင်ရမှာဖြစ်ပြီး သူသာအပိုင်အခွင့်အရေးတွေကို မဖြုန်းတီးခဲ့ပဲ အသုံးချနိုင်ခဲ့မယ်ဆို ချယ်လ်ဆီးက (၂)ဂိုးလောက်တော့ အေးဆေးရပါတယ်။ ဂျက်ဆင် က ဒါတိုက်စစ်မှုးလားလို့ မေးခွန်းထုတ်ရလောက်အောင်အထိ ဂိုးသွင်းတိကျမှုက ညံဖျင်းခဲ့တာပါ။ 

ပွဲပြီးခါနီးမှာ မန်စီးတီး က တိုက်စစ်ပိုကစားလာနိုင်ခဲ့ပေမယ့် ထိထိရောက်ရောက်တော့မဟုတ်ပါဘူး။ ဒီလိုနဲ့ ပွဲချိန် (၈၄)မိနစ်မှာ ဒိုကူ ၊ ဒီဘရိုင်းနား အတွဲအဖက်ကနေ ပီထရိုဗစ် ကာကွယ်လိုက်တဲ့ ဘောလုံးက ဘာနာဒိုဆေးဗားလ် ရှေ့ကျသွားပြီး ဘာနာဒိုဆေးဗားလ် က ရလာတဲ့ရှားရှားပါးပါးအခွင့်အရေးကို အမှားအယွင်းမရှိ ဂိုးအဖြစ်ပြောင်းလဲပေးခဲ့တာဖြစ်ပါတယ်။ 

ချန်ပီယံလိဂ်က ထွက်ခဲ့ရပြီး ဖိအားများနေချိန်မှာ ခြေစွမ်းမကောင်းခဲ့ပေမယ့် ချယ်လ်ဆီးကို အနိုင်ယူကာ အက်ဖ်အေဖလားဆီမီးဖိုင်နယ်ကနေ ဗိုလ်လုပွဲအဆင့်ကို တက်လှမ်းနိုင်ခဲ့တာကတော့ မန်စီးတီးအတွက် ကျေနပ်စရာပါ။ လက်ရှိချန်ပီယံ မန်စီးတီးအသင်း နဲ့ ဗိုလ်လုပွဲမှာ ရင်ဆိုင်ရမယ့်အသင်းက ကိုဗင်ထရီလား ၊ မန်ယူ လား ဆိုတာကိုတော့ စောင့်ကြည့်သွားကြရပါလိမ့်မယ်။

ပရီးမီးယားလိဂ် ဒိုင်ယာရီ (၉)

" လမ်းကြောင်းမှန်ပေါ် ရောက်ခဲ့ကြတဲ့ရက်သတ္တပတ် "

Read More
လိဂ်ဖလားဗိုလ်လုပွဲမှာဆုံမယ့် ချယ်လ်ဆီး နဲ့ လီဗာပူးလ်

ဗိုလ်လုပွဲအဆင့်ကို မစ်ဒယ်ဘရော့ ၊ ဖူလ်ဟမ်တို့တက်တာထက်စာရင် ချယ်လ်ဆီးနဲ့ လီဗာပူးလ် တို့တက်တာကဘောလုံးဝါသနာရှင်တွေအတွက်ပိုပြီးတော့ စိတ်ကျေနပ်စရာဖြစ်ပါလိမ်...

Read More
မန်စီးတီး - ဆီဗီလာ ဥရောပစူပါဖလား ပွဲကြိုသုံးသပ်ချက်

မန်စီးတီးအသင်းကတော့ အသင်းသမိုင်းတစ်လျှောက် ပထမဆုံးဥရောပစူပါဖလားကို ပိုင်ဆိုင်ဖို့ အခွင့်အရေးက လက်တကမ်းအကွာကို ရောက်နေပါပြီ။

Read More
ပရီးမီးယားလိဂ် ဒိုင်ယာရီ (၂၀)

" ဆာလာ ရဲ့ လီဗာပူးလ် "

Read More
ကာတာမြေကို ပြောင်းရွှေ့ခဲ့တဲ့ ကော်တင်ဟို

လီဗာပူးလ်ကနေ ဘာစီလိုနာ ပြောင်းခဲ့တာက အခုလိုဖြစ်ရခြင်းတွေရဲ့ မြစ်ဖျားခံရာပါပဲ။

Read More