ပရီးမီးယားလိဂ် ဒိုင်ယာရီ (၈)

ပရီးမီးယားလိဂ် ဒိုင်ယာရီ (၈)

" ပရီးမီးယားလိဂ် ဟုခေါ်သည် "

⚽⚽⚽⚽ 

⚽ ဉာဏ်များလွန်းတဲ့ ပရီးမီးယားလိဂ်မှာ ပိုကောင်း ပိုသာတာနဲ့ ဂိုးပြတ်နိုင်ရောလား။ ဒီတော့စပါးဘက်ကို ယိမ်းကြတာပေါ့။ ဘောလုံးပွဲတွေက ထင်သလောက် ရိုးရှင်းနေရင်ပျော်စရာကြီးတွေဖြစ်နေလိမ့်မယ်။ စပါး ကတော့နိုင်ပေးပါတယ်။ ဒါပေမယ့် ရိုးရာမပျက်သွင်းဂိုး (၁)ဂိုးနဲ့။ 

⚽ ကိုယ်မျှော်နေတဲ့ ချယ်လ်ဆီး ဟာဒါပါပဲ။ စတာလင် ၊ ပယ်လ်မာ ၊ ဂျက်ဆင် တို့ အတွဲပိုမိလာရင် ပိုဖြစ်လာမယ်ဆိုတာ ယုံကြည်ပြီးသား။ ပြိုင်ပွဲစုံ (၃)ပွဲဆက်အနိုင်မှာ ဂိုးပြတ်နိုင်ပွဲ (၁)ပွဲပါ ထပ်ပေါင်းကြတာပေါ့။ နောက်ဆို ချယ်လ်ဆီးကို အခုထက် ပိုယုံပေးကြရတော့မယ်။ 

⚽ (၉၂)မိနစ်အထိ ရှုံးနေတဲ့ အသင်းပွဲအပြီးမှာ နိုင်သွားတယ်။ ဘဝက ရုပ်ရှင်မဟုတ်ဘူး။ ဒါပေမယ့် ရုပ်ရှင်ဆန်တယ်ဆိုမင်းသား က တွမ်မီနေး ပဲ။ကယ်တင်ရှင်ဟာ မင်းပါပဲ နေရာမှာ တွမ်မီနေး ဖြစ်သွားခဲ့သလို အရင်ကပြောခဲ့တာတွေ ဗွေမယူပါနဲ့ဆိုပြီးလည်း တောင်းပန်နေကြပြီ။ ပွဲမပြီးခင် မန်ယူရှုံးပြီမပြောနဲ့ဆိုတဲ့ အသံတွေ ညံခဲ့တဲ့  ညတစ်ညပါပဲ။ ရလဒ်တွေဆိုးနေတဲ့အသင်းအတွက် ချိန်မြိန်တဲ့နိုင်ပွဲတစ်ပွဲဖြစ်ခဲ့တယ်။ 

⚽ ဆာလာ ရဲ့သွင်းဂိုး (၂)ဂိုးဟာ နိုင်ပွဲအတွက် မလုံလောက်ခဲ့ဘူး။ ပုံမှန်ဆိုရင်ဒါက လီဗာပူးလ်ပွဲပဲ။ ဒါပေမယ့် ပြိုင်ဘက်က ဘရိုက်တန်ဖြစ်နေတော့ သူတို့ရဲရင့်မှုအောက်ကို မရောက်အောင် တုံ့ပြန်ရတာကပဲ အခက်အခဲတစ်ခုမဟုတ်လား။ နိုင်တာပိုကောင်းပေမယ့် သရေဆိုလည်းအဆင်ပြေတာပါပဲ။ လီဗာပူးလ်တွေ ကျေနပ်ခဲ့ကြမယ့် သရေလို့ မြင်ပါတယ်။ 

⚽ အာဆင်နယ် မန်စီးတီးကို နိုင်ခဲ့ပြီ။ နိုင်သင့်တဲ့အချိန်မှာ နိုင်ခဲ့တာက မှန်ကန်မှုတစ်ခု။ ဒီနိုင်ပွဲက အာဆင်နယ်ရဲ့ ယုံကြည်မှုကိုပိုမြင့်တက်လာစေလိမ့်မယ်။ အရာအားလုံးကိုတော့ အာတီတာ က စတင်ခဲ့ပြီး သူ့ကြောင့်သာဒီအသင်း ဒီလိုဖြစ်လာခဲ့ရတာ။ ဂွါဒီယိုလာအတွက်တော့ မပျော်ရတဲ့ နေ့ရက်တွေပေါ့။ပြန်ပျော်ရအောင် သူဘယ်လိုတွေလုပ်ဦးမလဲဆိုတာကတော့ စ်ိတ်ဝင်စားစရာ။