ပရီးမီးယားလိဂ် ဒိုင်ယာရီ (၆)

ပရီးမီးယားလိဂ် ဒိုင်ယာရီ (၆)

" စတန်းဖို့ဒ်ဘရစ်ချ် က အော်မြည်ကြေကွဲသံ "

⚽⚽⚽⚽ 

⚽ မန်စီးတီးနဲ့ အနိုင်ပုံပြင်များဟာ ရိုးအီလို့နေပြီ။ ပရီးမီးယားလိဂ်ကိုလယ်သမားလိဂ် မဖြစ်စေချင်တာတော့အမှန်။ ကောင်းလွန်းနေတော့လည်း ဘယ်အသင်းက တားဆီးမလဲ။ (၆)ပွဲကစား (၆)ပွဲလုံးအနိုင်ဆိုတာကြမ်းပါတယ်။ ရိုဒရီ နီခဲ့တာကလွဲရင် မယ်မယ်ရရ ဘာမှပြောစရာမရှိခဲ့။ 

⚽ မန်ယူရဲ့အနိုင်မနက်ခင်းဟာ တိတ်ဆိတ်မှုအပြည့်။ ရှုံးရင် ပေါ်လာပြီး နိုင်ရင်ပျောက်ပြီဆိုတဲ့ ဘောလုံးရဲ့ လေတိုက်ခြင်း အနုပညာဟာ မန်ယူဆို ပိုလွန်ကဲတာတော့ အမှန်။ အားရစရာမရှိတဲ့ နိုင်ပွဲပေမယ့် နိုင်အောင်တော့လုပ်နိုင်ခဲ့ကြသေးတာပဲမလား။ လူစုံတက်စုံဆို ဘယ်လိုဖြစ်မလဲဆိုတဲ့ စိတ်ကူးအတွေးများဟာလည်း အရောင်တွေ တလက်လက်နဲ့ တောက်ပလို့။ 

⚽ သရေကျပြီး ရှူံးပွဲမရှိအနေအထားကို ရှေ့ဆက်တိုးခဲ့ကြပေမယ့် ပွဲကတော့ မြိုင်မြိုင်ဆိုင်ဆိုင်။ VAR မမိုက်ပါဘူးဆိုတဲ့ အ​ကြောင်း ဒီပွဲအပြီး ထပ်ပြောကြရုံ။ မနှစ်ကထက် ပိုကောင်းလာပေမယ့် ချန်ပီယံဖြစ်ချင်ရင် သရေတွေလျှော့ရမယ်ဆိုတာ အာတီတာ ကောင်းကောင်းနားလည်ပါလိမ့်မယ်။ ဆွန်ဟောင်မင် ကတော့ စပါးအတွက်အကောင်းဆုံး ပေးဆပ် ဦးဆောင်သူ။ 

⚽ ပွဲစဥ်(၆)အပြီး စတန်းဖို့ဒ်ဘရစ်ချ် အော်မြည်သံတွေ ကြေကွဲစွာ ပိုကျယ်လောင်လာခဲ့။ ချယ်လ်ဆီးဟာ ဘာဖြစ်သွားတာလဲ မေးခွန်းတွေကထပ်တလဲလဲ။ပိုချက်တီနို မကယ်နိုင်တော့ဘူးလားမှာ ပိုချက်တီနို ကိုအရင်ကယ်တင်ရမယ့် အနေအထား။(၆)ပွဲကစား (၅)မှတ် ၊ တန်းဆင်းဇုန်နဲ့ (၄)မှတ်အကွာ အခြေအနေဆိုတာ တွေးတောင်မတွေးမိခဲ့။ ရှေ့မှာစောင့်နေတာက ပွဲကျပ်တွေ။ ချယ်လ်ဆီးအတွက် တခြားဖန်တွေတောင် စိတ်မကောင်းတွေဖြစ်နေကြလို့။ 

⚽ လီဗာပူးလ် ဆို ကောင်းတယ်ပါပဲ။ နိုင်နေရင် အရာအားလုံး အဆင်ပြေနေတာပဲ မဟုတ်လား။ ဖေမီနို ၊ မာနေး ၊ ဆာလာ တို့ အချိန်ကထက်ပိုသာလာတာက ကွင်းလယ်ကပါ အားကိုးလာရတာပါ။ လီဗာပူးလ် က လီဗာပူးလ်ပြန်ဖြစ်လာခြင်းမှာ နူနက်ဇ် ရဲ့တိုးတက်မှုကလည်း အထောက်အပံ ကောင်းဆိုတာထက် ပိုပါတယ်။