မန်ယူကိုနိုင်ပြီး အဆင့်(၁)ဖြစ်သွားတဲ့ အာဆင်နယ်
------------------------------
မန်ယူ ၀ - ၁ အာဆင်နယ်
ဒီပွဲက မျှော်လင့်ထားသလိုဖြစ်မလာတဲ့ပွဲပါ။ အာဆင်နယ် ဂိုးပြတ်အနိုင်ယူမယ်။ (၈-၂)လိုပွဲမျိုး ပြန်ဖြစ်မယ်ဆိုတာတွေနဲ့ ပြောင်းပြန်ကို ဖြစ်ခဲ့ပါတယ်။ အာဆင်နယ် က အနိုင်ကိုထိန်းဖို့လောက်ပဲ အာရုံရှိပြီး မန်ယူကို ပိတ်ကစားသွားခဲ့သလို သူတို့ရဲ့ပုံစံအတိုင်း တိုက်စစ်ကို မြိုင်မြိုင်မကစားနိုင်ခဲ့ပါဘူး။ ပြောရရင်တော့ စိတ်ကြိုက်ဖွင့်မကစားရဲခဲ့တာပါ။ မန်ယူအသင်းကတော့ ရှိတဲ့လူနဲ့ အကောင်းဆုံးကစားသွားခဲ့ပြီး ကစားပုံလည်း ကောင်းခဲ့ပါတယ်။
ဒီပွဲမှာ အမ်မရာဘတ် ကြောင့် အီဗန်စ် ၊ ကက်စ်မဲရိုး တို့ ကစားရချောင်ခဲ့သလို အာမက် လည်းခြေစွမ်းပြနိုင်ခဲ့ပါတယ်။ ဒီကစားသမား(၂)ယောက်ကို အခုလို ပွဲကစားချိန်များများ နည်းပြ တန်ဟက် ပေးသင့်တယ်လို့လည်းတွေးမိခဲ့ပါတယ်။ အာဆင်နယ်မှာတော့ အိုဒီဂတ် ခြေမပေါ်ပဲ ပျောက်တဲ့ပွဲဖြစ်ခဲ့ပြီး ဒီပွဲကိုနိုင်ခဲ့တဲ့ နေရာမှာ ခံစစ်ပိုင်းစွမ်းဆောင်ရည်တည်ငြိမ်လွန်းတာက အဓိက ဖြစ်ခဲ့သလို ဆလီဘာ ကတော့ အကောင်းဆုံးဖြစ်ခဲ့တာပါ။
အာဆင်နယ်အတွက် တစ်လုံးထဲသော အနိုင်ဂိုးကိုတော့ ဟာဗက်ဇ် ရဲ့ဖန်တီးမှုကနေ ထရော့ဆဒ် က ပွဲချိန်မိနစ်(၂၀)မှာသွင်းယူခဲ့တာဖြစ်ပြီး ဒီဂိုးမှာတော့ ကက်စ်မဲရိုး ရဲ့ လူကျွံဖမ်းတာမပါးနပ်မှု ၊ ဘစ်ဆာကာ ရဲ့ ဘောလုံးကာတဲ့နေရာမှားယွင်းမှုတွေကို မြင်တွေ့ခဲ့ရပါတယ်။ ဂါနာချို ကြိုးစားပေမယ့် အရာမထင်ခဲ့သလို မန်ယူအသင်း အင်ပြည့်အားပြည့် လူစုံတက်စုံရှိမနေခဲ့တာကပဲ အာဆင်နယ်အတွက် ကံကောင်းခဲ့တယ်လို့ မြင်ပါတယ်။ ဘာလို့လဲဆိုတော့ ဒီပွဲမှာ ကစားသွားတဲ့ပုံစံအရ ဖာနန်ဒက်စ် တစ်ယောက်လောက်သာပါရင်တောင် အာဆင်နယ်နိုင်ဖို့ မလွယ်လို့ပါပဲ။
ဆုဖလားတစ်လုံး မျှော်လင့်ချက်ကို ဆက်လက်ဆုပ်ကိုင်သွားတဲ့ ဘိုင်ယန်မြူးနစ်
အရေးကြီးဆုံးပွဲမှာတော့ တည်တည်ငြိမ်ငြိမ်နဲ့ လိုအပ်နေတဲ့ နောက်တစ်ဆင့်တက်ခွင့် လက်မှတ်ကို အရယူသွားခဲ့ပါတယ်။
Read Moreတစ်လတာအကောင်းဆုံး ဆုတွေကို ရရှိခဲ့ကြတဲ့ ပိုစတီကိုဂလူး နဲ့ ဆွန်ဟောင်မင်
စက်တင်ဘာလထဲမှာတော့ စပါးအသင်းဟာ ပရီးမီးယားလိဂ်(၄)ပွဲကစားခဲ့ပြီး (၃)ပွဲနိုင် ၊ (၁)ပွဲသရေရလဒ် ရရှိခဲ့ပါတယ်။
Read Moreလိဂ်ဖလားမရရင် စာတန်းထိုးမယ်
ချယ်လ်ဆီး က လီဗာပူးလ်ကို (၄-၁)နဲ့ ရှုံးခဲ့ပါတယ်။ လက်ရှိချယ်လ်ဆီး အနေအထားအရ ဒါကိုလက်ခံပေးနိုင်ပါတယ်။
Read Moreအာဆင်နယ် - မန်ယူ ပွဲကြိုသုံးသပ်ချက်
လက်ရှိ ဒီ (၂)သင်းရဲ့ ခြေစွမ်းမှာတော့ အာဆင်နယ်က မန်ယူထက် အနည်းငယ်ပိုသာပါတယ်။
Read Moreမန်စီးတီးနဲ့ ပွဲအတွက် အဖြေမထွက်သေးတဲ့ ဆာကာ
ချန်ပီယံလိဂ်ပွဲမှာ ကြွက်သားဒဏ်ရာ ရခဲ့ပြီး ပထမပိုင်းမပြီးခင်မှာပဲ ဆာကာ ဟာ လူစားလဲခံခဲ့ရတာပါ။
Read More