ဒုတိယအကျော့ကို ဆက်ပြီး ရင်ခုန်ရဦးမယ့် ဘိုင်ယန်မြူးနစ် နဲ့ ရီးယဲလ်
------------------------------
ဘိုင်ယန်မြူးနစ် ၂-၂ ရီးယဲလ်
ရီးယဲလ်နဲ့ ချန်ပီယံလိဂ်ကံဆိုတဲ့ စကားကို ဒီပွဲမှာလည်းထပ်ပြောရပါလိမ့်မယ်။ ရီးယဲလ်မဟုတ်ပဲ တခြားအသင်းတစ်သင်းဆို ဒီပွဲကိုရှုံးသွားပါပြီ။ ရီးယဲလ်ဖြစ်နေလို့ကို မရှုံးခဲ့ပဲ ရှုံးတော့မယ့် အနေအထားကနေ သရေပြန်ရခဲ့တာဖြစ်ပါတယ်။
ချန်ပီယံလိဂ်မှာ မရှုံးအောင်ကစားတတ်တာ ၊ လိုအပ်တဲ့ရလဒ်တွေရယူနေတာ ဆိုပြီး ပြောလို့ရပေမယ့် လက်တွေ့မှာတော့ ခြေစွမ်းက အရင်ကလို ပြိုင်ဘက်ကို ကွင်းမရွေး ၊ နေရာမရွေး အသာစီးနဲ့ ကစားနိုင်တော့တာမျိုးမဟုတ်ပါဘူး။ ခံကစားပြီး ရလဒ်ကောင်းရလာတာတွေများလာသလို အခုပွဲမှာလည်း ဒီအနေအထားကို မြင်ခဲ့ရပါတယ်။
ပွဲစစခြင်းမှာတော့ ပွဲက ဘိုင်ယန်မြူးနစ် ခြေ ၊ ဘိုင်ယန်မြူးနစ် လက်ပါပဲ။ အဲဒီအချိန်အတွင်းမှာ အခွင့်အရေးတွေရပြီး ဂိုးအဖြစ်သာပြောင်းလဲနိုင်ခဲ့ရင် ပွဲကို ဘိုင်ယန်မြူးနစ် က အေးအေးဆေးဆေးထိန်းသွားတာမျိုးဖြစ်သွားနိုင်ပါတယ်။ ဒါပေမယ့် ရီးယဲလ်ရဲ့ တစ်ချက်ကောင်းမှာ ဘိုင်ယန်မြူးနစ် ခံလိုက်ရပြီး ပွဲချိန်(၂၄)မိနစ်မှာ တိုနီကရူးစ် ရဲ့ အကွက်မြင်လွန်းတဲ့ ပေးပို့မှုကနေ ဗီနီစီယက်စ် အလိုက်သင့်ပြေးထွက်ကန်သွင်းကာ ရီးယဲလ်အတွက် ဦးဆောင်ဂိုးစသွင်းပေးခဲ့ပါတယ်။ (၀-၁)ဖြစ်သွားပေမယ့် ဘိုင်ယန်မြူးနစ် ကပဲ ချေပဂိုးရဖို့ ကစားကွက်အသာနဲ့ ကြိုးစားနေခဲ့လို့ ရီးယဲလ် ကစားပုံက ဂိုးရသွားလို့ ထင်သလောက်တက်လာတာမျိုးမရှိခဲ့ပါဘူး။
ဒုတိယပိုင်းမှာလည်း ရီးယဲလ်က ဒီအတိုင်းပဲဖြစ်နေလို့ ဘိုင်ယန်မြူးနစ် အကြိုက်ဖြစ်သွားပြီး ဂိုးတွေဆက်တိုက်မြင်ခဲ့ရပါတယ်။ ပွဲချိန်(၅၃)မိနစ်မှာ ဆာနေး ရဲ့ အပြင်းကန်ချက် ချေပဂိုး ၊ ပွဲချိန်(၅၇)မိနစ်မှာ ဟယ်ရီကိန်း က ပယ်နယ်တီ ကနေ ဂိုးသွင်းပြီး ပွဲကို ဘိုင်ယန်မြူးနစ် ဦးဆောင်လိုက်ပါတယ်။ နောက်ပိုင်းပွဲချိန်တွေမှာလည်း ပွဲကဒီပုံအတိုင်းသာဖြစ်နေသလို ဘိုင်ယန်မြူးနစ် နိုင်တော့မယ့်ထင်နေချိန်မှာ ရီးယဲလ် ပယ်နယ်တီ ရသွားပြီး ပွဲချိန်(၈၃)မိနစ်မှာ ဗီနီစီယက်စ် က (၂-၂)ဖြစ်စေခဲ့ပါတယ်။
ဒီပွဲရဲ့မင်းသားက ဗီနီစီယက်စ် ဖြစ်ခဲ့သလို တစ်ဖက်မှာ သူဒီလိုဖြစ်အောင် ပံ့ပိုးပေးခဲ့သူက ဘိုင်ယန်မြူးနစ်နောက်ခံလူ ကင်မင်ဂျေး ပါပဲ။ ဘိုင်ယန်မြူးနစ် ဂိုးပေးလိုက်ရတဲ့ အနေအထားတွေမှာ ကင်မင်ဂျေး ရဲ့ မပါးနပ်မှုတွေက အများကြီးပါဝင်ခဲ့ပါတယ်။ နောက်ခံလူတစ်ယောက်အနေနဲ့ အထာနပ်နေရမယ့် အရာမျိုးတွေမှာ ကင်မင်ဂျေး က အားနည်းချက်ကြီးခဲ့တာဖြစ်ပါတယ်။
တစ်ဖက် (၂)ဂိုးစီ သရေကျခဲ့လို့ ဒုတိယအကျော့ကို ဆက်ပြီး ရင်ခုန်ရဦးမှာပါ။ ဗိုလ်လုပွဲကိုတက်ချင်ကြရင်တော့ (၂)သင်းလုံး အခုပွဲထက် လာမယ့် ဒုတိယအကျော့ပွဲမှာ ပိုကောင်းအောင်ကစားဖို့တော့လိုပါတယ်။
စပါး - မန်စီးတီး ပွဲကြိုသုံးသပ်ချက်
မန်စီးတီးကို အိမ်ကွင်းမှာ ပြိုင်ပွဲစုံ(၅)ပွဲဆက်နိုင်ထားတယ်ဆိုတဲ့အချက်က ဒီပွဲအတွက် စိတ်ဓာတ်ပိုင်းကိုမြင့်တက်စေပါလိမ့်မယ်။
Read Moreအာဆင်နယ် - လီဗာပူးလ် ပွဲကြိုသုံးသပ်ချက်
ဆုဖလား (၂)လုံးကို အချိန်တိုအတွင်းလက်လွှတ်လိုက်တယ်လို့ ပြောခံရပါလိမ့်မယ်။
Read Moreအိမ်တွင်းအကြမ်းဖက်မှုနဲ့ တရားစွဲခံထားရတဲ့ အန်တိုနီ
မန်ယူအသင်းရဲ့ လူစာရင်းကနေ ချန်လှပ်ထားဖို့ ဖိအားတွေရှိနေပါတယ်။
Read Moreရီးယဲလ်အသင်းနဲ့ စာချုပ်သက်တမ်းတိုးခဲ့တဲ့ ဗီနီစီယက်စ်
စာချုပ်သစ်ရဲ့စာချုပ်လျော်ကြေးကတော့ ယူရို (၁)ဘီလီယံ ဖြစ်ပါတယ်။
Read Moreဂိုးပြတ်ရလဒ်နဲ့ ပြန်လာတဲ့ အာဆင်နယ်
ဒီပွဲက နိုင်ပွဲမဖြစ်မနေလိုအပ်နေတဲ့ အာဆင်နယ်အတွက် ဘာဖိအားမှလည်းမရှိခဲ့ပါဘူး။ ဘ
Read More