တစ်လတာအကောင်းဆုံး ဆုတွေကို ရရှိခဲ့ကြတဲ့ ပိုစတီကိုဂလူး နဲ့ ဆွန်ဟောင်မင်

တစ်လတာအကောင်းဆုံး ဆုတွေကို ရရှိခဲ့ကြတဲ့ပိုစတီကိုဂလူး နဲ့ ဆွန်ဟောင်မင်

-------------------------------- 

ပြီးခဲ့တဲ့ သြဂုတ်လတုန်းကပရီးမီးယားလိဂ်ရဲ့ တစ်လတာ အကောင်းဆုံးဆုတွေကို လွှမ်းမိုးခဲ့တဲ့ စပါးအသင်းဟာ စက်တင်ဘာလမှာလည်း ဆက်လွှမ်းမိုးခဲ့ပါတယ်။ စက်တင်ဘာလအတွက် ပရီးမီးယားလိဂ်ရဲ့ တစ်လတာအကောင်းဆုံး နည်းပြဆုကို ပိုစတီကိုဂလူး ၊ကစားသမားဆုကို ဆွန်ဟောင်မင် တို့ကရရှိခဲ့ကြတာပါ။ 

ပရီးမီးယားလိဂ်ရဲ့ တစ်လတာအကောင်းဆုံးနည်းပြဆုကို ပိုစတီကိုဂလူး က (၂) လဆက်ရခဲ့တာ​ဖြစ်ပါတယ်။ စက်တင်ဘာလထဲမှာတော့ စပါးအသင်းဟာ ပရီးမီးယားလိဂ်(၄)ပွဲကစားခဲ့ပြီး (၃)ပွဲနိုင် ၊ (၁)ပွဲသရေရလဒ် ရရှိခဲ့ပါတယ်။ အကောင်းဆုံးကစားသမားဆုကို ရရှိခဲ့တဲ့ ဆွန်ဟောင်မင် ကတော့ အဲဒီ(၄)ပွဲမှာ (၆) ဂိုးထိတောင်သွင်းယူခဲ့တာပါ။ 

ဆွန်ဟောင်မင် အတွက် ပရီးမီးယားလိဂ်တစ်လတာ အကောင်းဆုံး ကစားသမားဆုကို (၄)ကြိမ်မြောက် ရခဲ့တာလည်း ဖြစ်ခဲ့ပါတယ်။ လက်ရှိမှာတော့ ပရီးမီးယားလိဂ် (၈)ပွဲကစားအပြီးမှာ စပါးအသင်းဟာ ရှုံးပွဲမရှိသေးပဲ ရမှတ်(၂၀)နဲ့ အမှတ်ပေးဇယားကို ဦးဆောင်နေပါတယ်။