အာဆင်နယ် - စပါး ပွဲကြိုသုံးသပ်ချက်
-------------------------------------------
အာဆင်နယ် - စပါး
Super Sunday ည (၇:၃၀)နာရီ
ပြိုင်ဆိုင်မှုပြင်းထန်တဲ့ မြောက်လန်ဒန်ဒါဘီပွဲစဥ်ဖြစ်နေပြီး လက်ရှိမှာ (၂)သင်းလုံးက ရမှတ်(၁၃)မှတ်စီ ရထားပြီး ရှုံးပွဲလည်း မရှိကြသေးလို့ ပုံမှန်ထက်ပိုပြီး စိတ်ဝင်စားဖို့ကောင်းတဲ့ ပွဲ ဖြစ်နေပါတယ်။ (၂)သင်းလုံးရဲ့ ခြေစွမ်းကလည်း ကောင်းနေလို့ မှန်းဆရခက်ခဲတဲ့ ပွဲတစ်ပွဲ အဖြစ်လည်းရှိနေပါတယ်။
အာဆင်နယ် ကတော့ အရင် အာဆင်နယ် မဟုတ်တော့ပါဘူး။ ယုံကြည်လို့ ရသွားပါပြီ။ နည်းပြအာတီတာ ကြောင့် အသင်းကြီးပိုဆန်လာခဲ့တယ်လို့ ပြောလို့ရပါတယ်။ အရင်က တော်ရုံအခက်အခဲကို မကျော်ဖြတ်နိုင်တဲ့ အာဆင်နယ် ဟာ အခုဆို ကျဥ်းထဲကျပ်ထဲရောက်နေရင်လည်း အနိုင်ရအောင် ဘယ်လိုကစားရမလဲဆိုတာ သိနေပါပြီ။ ချန်ပီယံဆုဖလားတွေ ရယူချင်တဲ့အသင်းတွေအတွက် ဒီအချက်ဟာ အရေးကြီးပြီး အာဆင်နယ်မှာတော့ ဒီအနေအထားရှိသွားခဲ့ပါပြီ။ ဒါက တိုးတက်မှု ကြီးကြီးမားမားပါပဲ။
နောက်တစ်ခုက စိတ်ဓာတ်ပိုင်းဖြစ်ပြီး နိုင်ပွဲဆာလောင်ချင်စိတ်လည်း အရင်ကထက်ပိုပြင်းထန်လာခဲ့သလို အားမလျော့ပဲ ကြိုးစားလာတာတွေလည်းမြင်နေရပါတယ်။ ပြောရရင်တော့ အကောင်းတွေများနေပြီး အဆိုးဆိုရင်တော့ဟာဗက်ဇ် ကို ကွင်းလာ်ဘယ်ခြမ်းမှာ အခုထက်ပိုအဆင်ပြေအောင် အာတီတာ ဘယ်လိုလုပ်ပေးမလဲဆိုတော့ အရာပဲ ဖြစ်ပါတယ်။ ဂျေးဆု ၊ ဆာကာ ၊ အိုဒီဂတ် တို့ကတော့ ဒီပွဲအတွက် အာဆင်နယ်မှာ စောင့်ကြည့်သွားရမယ့်သူတွေပဲ ဖြစ်ပါတယ်။
စပါးကတော့ နည်းပြသစ် ပိုစတီကိုဂလူး လက်ထက်မှာ ထင်ထားတာထက်ပိုကောင်းနေပါတယ်။ ဟယ်ရီကိန်း မရှိတော့လို့ ရုန်းကန်ရမယ်ထင်ခဲ့ပေမယ့် လက်တွေ့မှာတော့ အဆင်ပြေပြေသွားနိုင်ခဲ့တာပါ။ အဓိကကတော့ စိတ်ဓာတ်ပိုင်းနဲ့ ကစားသမားစုဖွဲ့မှု အပိုင်းတွေမှာ တိုးတက်လာကြတယ်လို့ မြင်ပါတယ်။ စပါးကောင်းနေတယ်ဆိုပေမယ့်လည်း နိုင်ထားတဲ့အသင်းတွေထဲမှာ အသင်းကြီးဆိုလို့ ရုန်းကန်နေရတဲ့ မန်ယူသာ ပါနေတာပါ။ ကျန်တာက နိုင်သင့်နိုင်ထိုက်တဲ့ အသင်းတွေဖြစ်ပါတယ်။ အခု အာဆင်နယ်နဲ့ ပွဲကမှ စပါးကို အစစ်အမှန်စမ်းသပ်မယ့် ပွဲ ဖြစ်ပါတယ်။ အာဆင်နယ် ကွင်းမှာဆို ရုန်းကန်ရတာကလည်း စပါးရဲ့ အစဥ်အလာဆိုးပါပဲ။ ဒါက သူတို့ရဲ့အားနည်းချက်လို့သာ ပြောရပါမယ်။
အာဆင်နယ် အိမ်ကွင်း ၊ အိမ်ကွင်းဆို စပါးကို အသာရတယ်ဆိုတာနဲ့ စပါးထက်ပိုကောင်းတဲ့ လူစာရင်းကြောင့် အာဆင်နယ်ကိုသာ အကြိုက်တွေ့ပါတယ်။ စပါး အမြင့်ဆုံး သရေသာမျှော်လင့်လို့ရမှာပါ။ မထင်မှတ်ပဲ သရေကျသွားနိုင်တဲ့ ပွဲမျိုးလည်းဖြစ်ပါတယ်။ အနိုင်ဆိုရင်တော့ အာဆင်နယ်ကိုပဲ ရွေးရမှာပါ။ အာဆင်နယ် ၂ - ၁ စပါး ဆိုတဲ့ ရလဒ်မျိုးဖြစ်နိုင်ပါတယ်။
အခြေအနေပိုတင်းမာလာတဲ့ တန်ဟက် နဲ့ ဆန်ချို
နည်းပြတန်ဟက် ကိုတောင်းပန်လိုက်ရင် အဆင်ပြေမယ့်အရာကို မတောင်းပန်တော့အခြေအနေတွေက ပိုရှုပ်ထွေးကုန်ခဲ့တာပါ။
Read Moreဒေါ့မွန်ကို အငှားနဲ့ပြောင်းတော့မယ့် ဆန်ချို
အငှားကြေးက ယူရို (၄)သန်းသာဖြစ်လို့ တကယ့်ကိုသက်သက်သာသာနဲ့ ဒေါ့မွန် ကဆန်ချို ကိုပြန်ရခဲ့တာပါ။
Read Moreချယ်လ်ဆီးကို အနိုင်ယူပြီး ဖိအားတွေလျှော့ချခဲ့တဲ့ မန်ယူ
နိုင်ပွဲလိုအပ်နေတဲ့ မန်ယူအသင်းကတော့ ပွဲစတာနဲ့ ချယ်လ်ဆီးကို ဆက်တိုက် ဆိုသလို တိုက်စစ်ဆင်ကစားခဲ့တာပါ။
Read Moreချယ်လ်ဆီးကစားသမား ဖြစ်လာတဲ့ လာဗီယာ
Add-ons ကြေးလည်း ပါဝင်တာကြောင့် အနာဂတ်မှာ ပြောင်းရွှေ့ကြေးဟာ ပေါင်(၅၈)သန်းထိ မြင့်တက်လာနိုင်ပါတယ်။
Read Moreမန်စီးတီးက မန်စီးတီး ပါပဲ
မန်ယူအသင်းရဲ့တိုက်စစ်မှုး အပျောက်ပုံစံမှာ တွမ်မီနေး နဲ့ ဖာနန်ဒက်စ် က တိုက်စစ်မှုး လိုလို ၊ No.10 Role လိုလိုကစားပြီး ၊ ခံစစ်ကိုလည်း ကူပါတယ်။
Read More