ဆုဖလားတစ်လုံး မျှော်လင့်ချက်ကို ဆက်လက်ဆုပ်ကိုင်သွားတဲ့ ဘိုင်ယန်မြူးနစ်
------------------------------
ဘိုင်ယန်မြူးနစ် ၃ - ၀ လာဇီယို
(နှစ်ကျော့ပေါင်းရလဒ် ၃-၁ နဲ့ ဘိုင်ယန်မြူးနစ် နောက်တစ်ဆင့်တက်)
ဒီရာသီ အသင်းအတွက် အရေးကြီးဆုံးပွဲကို ဘိုင်ယန်မြူးနစ် ကစားသွားခဲ့တာပါ။ မတည်ငြိမ်မှုတွေ ၊ ရုန်းကန်ရမှုတွေရှိခဲ့ပေမယ့် အရေးကြီးဆုံးပွဲမှာတော့ တည်တည်ငြိမ်ငြိမ်နဲ့ လိုအပ်နေတဲ့ နောက်တစ်ဆင့်တက်ခွင့် လက်မှတ်ကို အရယူသွားခဲ့ပါတယ်။ လာဇီယို ကတော့ ပြိုင်ဘက်ကို ခက်ခဲအောင် လုပ်တတ်တာနဲ့ လွယ်လွယ်ကူကူ ရှုံးတတ်တာ (၂)ခုကြားပြေးနေခဲ့တဲ့ အသင်းဖြစ်ပြီး ဒီပွဲမှာတော့ လွယ်လွယ်ကူကူပဲ ရှုံးသွားခဲ့ပါတယ်။
ဒီပွဲမှာ ဘိုင်ယန်မြူးနစ်တစ်သင်းလုံး ကောင်းခဲ့ပြီး ဒီလိုအခြေအနေမှာ လာဇီယို မယှဥ်နိုင်တော့တာ ဘာမှတော့မဆန်းပါဘူး။ အဓိကကတော့ လူမှန်နေရာမှန်ဖြစ်သွားခဲ့တာဖြစ်ပြီး ကင်မစ်ချ် က ညာနောက်ခံ ၊ မူလာ က နောက်ချန်တိုက်စစ် နဲ့ ဆာနေး ညာတောင်ပံမှာ ပါလာခဲ့တာကြောင့် ဘိုင်ယန်မြူးနစ် က ဘိုင်ယန်မြူးနစ်ပြန်ဖြစ်သွားခဲ့ပါတယ်။ နည်းပြတူဟယ်လ် လည်း ကင်မစ်ချ် နဲ့ မူလာ တို့ရဲ့ စိတ်ဓာတ် နဲ့ အရေးပါပုံကို ပိုမြင်တွေ့ခဲ့ရပြီး ချန်ထားလို့မရတဲ့သူတွေဆိုတာကို နားလည်လောက်ပြီလို့ ထင်ပါတယ်။
ဘိုင်ယန်မြူးနစ်အတွက် သူရဲကောင်းကတော့ သွင်းဂိုး (၂)ဂိုးသွင်းယူခဲ့တဲ့ ဟယ်ရီကိန်း ဖြစ်ခဲ့ပါတယ်။ သူလည်း ဆုဖလား လက်မဲ့မဖြစ်ချင်တော့ အကောင်းဆုံး စွမ်းဆောင်ရည်ကို ပြသွားခဲ့တာပါ။ ပွဲချိန် (၃၈)မိနစ်မှာ ခေါင်းတိုက်အဖွင့်ဂိုး နဲ့ ပွဲချိန် (၆၆)မိနစ်မှာတော့ ဆာနေး ရဲ့ ဖန်တီးမှုကနေ အသင်းအတွက် တတိယမြောက်ဂိုးတွေ သွင်းယူပေးခဲ့ပါတယ်။ ဘိုင်ယန်မြူးနစ်အတွက် ဒုတိယဂိုးကိုတော့ မူလာ က ပွဲချိန် (၄၅+၂)မိနစ်မှာသွင်းယူခဲ့တာပါ။
ဒီတော့ (၂)ကျော့ပေါင်းရလဒ် (၃-၁)နဲ့ ဘိုင်ယန်မြူးနစ် ကွာတားဖိုင်နယ်အဆင့်ကို တက်ရောက်နိုင်ခဲ့ပါတယ်။ ပိုကောင်းတဲ့ အသင်းနောက်တစ်ဆင့်တက်နိုင်ခဲ့တာ ကျေနပ်စရာကောင်းပြီး တူဟယ်လ် လည်း ဖိအားအနည်းငယ်လျော့သွားခဲ့ပါတယ်။
အာဆင်နယ် လီဗာပူးလ် တို့ ဒီနေ့လိုဖြစ်လာဖို့ အချိန်အများကြီးယူခဲ့ရတာကြောင့် စိတ်ရှည်သင့်တယ်လို့လည်းမြင်ပါတယ်။
Read Moreဗာရန်း ကို ဇန်နဝါရီမှာ မန်ယူအသင်းက ပေးထွက်သွားမှာ မဟုတ်ပါဘူး။
Read Moreသူ့ကြည့်ရတာ ဘောလုံးကစားရတာလည်း တော်တော်လေးကိုပျော်ရွှင်နေတဲ့ပုံပါ။
Read Moreထွက်ပေါ်လာတဲ့ ပွဲစဥ်တွေကတော့ မယ်ဒယ်ဘရော့ နဲ့ ချယ်လ်ဆီး ၊ လီဗာပူးလ်နဲ့ ဖူလ်ဟမ် တို့ဖြစ်ကြပါတယ်။
Read Moreလူပြန်စုံလာတဲ့အချိန်မှာ ဆက်တိုက်ဆိုသလို ရလဒ်တွေကောင်းနေတာက တိုက်ဆိုင်မှုတော့မဟုတ်ပါဘူး။
Read More