ဘာကာမှာ ပျော်တဲ့ ဒီယွန်း

ဘာကာမှာ ပျော်တဲ့ ဒီယွန်း

-------------------------------- 

ဘာစီလိုနာကွင်းလယ်လူ ဒီယွန်း နဲ့ ပတ်သက်လာရင်တော့အပြောင်းအရွှေ့သတင်းတွေကတစ်နေ့တစ်မျိုး မရိုးရပါဘူး။ ပြီးခဲ့တဲ့ ရက်တွေတုန်းကတော့ဘာစီလိုနာမှာ ဆက်နေချင်ရင်လစာလျှော့ယူရမယ်။ လျှော့မယူချင်ရင်တော့ သူ့ကိုရောင်းထုတ်မယ်ဆိုတဲ့ သတင်းတွေထွက်ခဲ့ပါတယ်။ 

ဒါပေမယ့် လက်ရှိမှာတော့ ဒီယွန်း က ဒီအရာတွေအားလုံးက အတုအယောင်တွေလို့သာပြောသွားခဲ့ပါတယ်။ 

" ကျွန်တော် ဘာစီလိုနာမှာ ပျော်နေပါတယ်။ ကျွန်တော်ဒီမှာ နှစ်ပေါင်းများစွာဆက်နေဖို့လည်း မျှော်လင့်ထားပါတယ်။ ပြီးတော့ ဒီသတင်းအမှားတွေလည်း မကြာခင်မှာ ရပ်တန့်သွားလို့ မျှော်လင့်ထားပါတယ် " 

ဘာစီလိုနာ အခက်အခဲတွေများစွာရှိနေချိန်မှာ ဒီယွန်း လို ကစားသမားမျိုးကို ပိုင်ဆိုင်ထားတာက အသင်းအတွက် ကံကောင်းမှုတစ်ခုလို့ပြောကြရပါလိမ့်မယ်။