ပရီးမီးယားလိဂ် ဒိုင်ယာရီ (၁၈)+(၁၉)

ပရီးမီးယားလိဂ် ဒိုင်ယာရီ (၁၈)+(၁၉) " အလှည့်အပြောင်းများစွာနဲ့ ပရီးမီးယားလိဂ် "

⚽⚽⚽⚽ 

⚽ လီဗာပူးလ်ကို သရေကစားလို့ဟုတ်မလားတော့ မတွေးလိုက်ပါနဲ့။ဝက်စ်ဟမ်းကို ရှုံးပါတယ်။ ဒါဟာပုံမှန်ပါပဲ မိုင်ဖရန့်ပေါ့။ ဘယ်လိုမှအထင်ကြီးလို့မရသလို ဖြစ်ချင်တိုင်းကိုဖြစ်နေခဲ့ကြတယ်။

⚽ မန်ယူ (၀-၂)ဗီလာမှာ အိုးထရက်ဖို့ဒ် ဟာ ငြိမ်သက်လို့။ ဒုတိယပိုင်းမှာတော့ နတ်ရေကန်ထဲက တက်လာကြတဲ့အတိုင်း အရာအားလုံးဟာပြောင်းပြန်။ ဂါနာချို (၂)ဂိုး ၊ ဟွိုင်းလွန် က(၁)ဂိုး။ ဒီလိုနဲ့ပဲ Comeback ခဲ့ကြသည်ပေါ့။ ဒါပေမယ့် နောက်ပွဲသူတို့ကို ယုံစားလို့ရမှာလားဆိုတဲ့အတွေးကတော့ ချာချာလည်။ 

⚽ ခြေသာလျက်နဲ့ လီဗာပူးလ်မနိုင်တာကို ငြင်းဆန်ကြမယ် မထင်ပါဘူး။ အာနိုးလ် ကလည်းဘားတန်းကိုမှ ထိအောင်ကန်လိုက်သလားပါပဲ။ သရေရလဒ် ထက်ပိုသင့်တာဆိုပေမယ့် တခြားအသင်းကြီးတွေရဲ့ ရလဒ်ဆိုးတွေက ခံသာစေခဲ့ပါတယ်။

⚽ ဒီရာသီမှာ မထင်ထားတဲ့ အသင်းတစ်သင်းဆိုရင် ဒီအသင်းက လီဗာပူးလ်ပါပဲ။ သူက်ိုယ်တိုင်လည်း ကောင်းသလို သူဖြစ်ဖို့အတွက် ပြိုင်ဘက်ကလွဲချော်ပေးရတဲ့ ကံတရားကိုလည်းပိုင်ဆိုင်ထားတယ်။ ဒီလိုနဲ့ပဲ ဘန်လေကို နိုင်ပြီးရာသီဝက်ချန်ပီယံဖြစ်ခဲ့တယ်။ 

⚽ အာဆင်နယ် ချန်ပီယံ ဖြစ်ချင်ရင် လီဗာပူးလ်ဆီကနေ သူတို့ရမှတ်ယူကိုယူနိုင်ရမယ်။ဒါကိုလုပ်နိုင်ခဲ့ကြတယ်။တဖြည်းဖြည်းနဲ့ရှေ့ဆက်လာကြတယ်။ ယုံကြည်မှုတွေပိုလာတယ်။ ဒါပေမယ့် တစ်ခဏလေးအတွင်းမှာပဲ ဒီအရာပြိုပျက်သွားမယ်လို့တော့ မတွေးမိခဲ့ဘူး။⚽ ဝက်စ်ဟမ်းကို အိမ်ကွင်းမှာ နိုင်ရင် ရာသီဝက်ချန်ပီယံဖြစ်ပြီဆိုတဲ့ အခွင့်အရေးဟာ ဘယ်လောက်တောင်မှကောင်းလိုက်သလဲ။ အာဆင်နယ်ကအာဆင်နယ် ဆိုသလိုပါပဲ။ မလုပ်နိုင်ခဲ့ကြပါဘူး။ ရှုံးနိမ့်ခဲ့ကြတယ်။ VARကို အပြစ်တင်လို့ရပေမယ့် အိုဒီဂတ်လည်း လီဗာပူးလ်နဲ့ပွဲမှာ လက်နဲထိခဲ့တာပဲမဟုတ်လား။ မျှော်လင့်ချက်တွေကရှိနေသေးလို့ ရှေ့လာမယ့်ပွဲတွေမှာ အခုလိုတွေထပ်မဖြစ်စေချင်တော့ဘူး။ 

⚽ ဝုလ်ဗ်ကို ရှုံးတာက ပုံမှန်ပါ။အခွင့်အရေးတွေရပေမယ့် အိမ်ကွင်းကောင်းတဲ့ အသင်းနဲ့ဆို အခုလိုတွေဖြစ်မှာပါပဲ။ အန်ကွန်ကူ ပြန်လာတာအသင်းအတွက်ကောင်းပေမယ့် နောက်ပွဲပြန်လာဖို့က ပိုအရေးကြီးခဲ့တာပါ။ဒါကိုလည်း ချယ်လ်ဆီးတို့လုပ်နိုင်ခဲ့ကြတယ်။ ပဲလေ့စ်ကို အနိုင်ယူတယ်။ခြေပြန်မှန်လာတယ်လို့ ခံစားရပါတယ်။ 

⚽ မန်စီးတီး ပြန်လာပြီလို့ပြောရင်နည်းနည်းများသွားမလား။ ဒါပေမယ့်အဲဗာတန်နဲ့ပွဲက ခြေစွမ်းအရတော့အထင်ကြီးစရာပါ။ မန်စီးတီးဆိုတာကလည်း ဘယ်အချိန်မှာ ဘယ်လိုရမှတ်ယူရမလဲကိုကောင်းကောင်းကြီးသိနေလို့ လာမယ့်ပွဲတွေမှာလည်း နိုင်ပွဲတွေပြန်ဆက်မယ်ထင်ပါတယ်။