နိုင်ပွဲတစ်ပွဲကို လွှင့်ပစ်ခဲ့တဲ့ မန်ယူ
-----------------------------
ဂါလာတာစာရေး ၃ - ၃ မန်ယူ
ဒီပွဲကို မနိုင်ခဲ့တာက မန်ယူအသင်းဖြစ်နေလို့ကို မနိုင်ခဲ့တာပါ။ ဒီနေရာမှာ တခြားအသင်းကြီးတွေသာဆို ဂါလာတာစာရေးကို သာသာယာယာလေးအနိုင်ကစားသွားပါလိမ့်မယ်။ ပြောရမယ်ဆို ဂါလာတာစာရေး ဒီပွဲမှာကစားသွားတာ ပုံမှန်လောက်ပါပဲ။ ချန်ပီယံလိဂ်မှာ ကစားရလိုက် မကစားရလိုက်အနေအထားမှာ ချန်ပီယံလိဂ်မှာ ဘယ်လိုနိုင်အောင်ကစားရမလဲဆိုတာ မသိတော့ပုံပါပဲ။ (၂)ဂိုးပြတ် (၂)ခါ ဦးဆောင်ပြီးမှ သရေကျခဲ့တဲ့အသင်းဆိုရင် မန်ယူအသင်းပဲရှိပါလိမ့်မယ်။
ဒီပွဲမှာ မန်ယူအသင်းဟာ တာထွက်လှခဲ့ပါတယ်။ ဂါနာချို ၊ အန်တိုနီ တို့ရဲ့တောင်ပံတွေကို ဂါလာတာစာရေးက မထိန်းနိုင်ခဲ့ပါဘူး။ ဒီလိုနဲ့ ပွဲချိန် (၁၁)မိနစ်မှာ ဂါနာချို ၊ ပွဲချိန် (၁၈)မိနစ်မှာ ဖာနန်ဒက်စ် ရဲ့ ဂိုးတွေနဲ့ (၂)ဂိုးပြတ် ဦးဆောင်နေတဲ့ အချိန်မှာ ပွဲကိုတည်ငြိမ်အောင်ထိန်းဖို့ထက် ပြိုင်ဘက်ကို နောက်ကနေ လိုက်ကစားတဲ့ပုံနဲ့ကစားခဲ့ပါတယ်။ ပွဲချိန် (၂၉)မိနစ်မှာတော့ ဇီယက်ချ် က ဖရီးကစ်ကနေ ချေပဂိုးပြန်သွင်းပေးခဲ့ပြီး ဒီကန်ချက်ကို တားဆီးတဲ့နေရာမှာ အားနည်းချက်တွေရှိခဲ့ပါတယ်။
ဒုတိယပိုင်း ပွဲချိန်(၅၅)မိနစ်မှာ အန်တိုနီ ၊ ဘစ်ဆာကာ တို့အတွဲအဖက်ကနေ တွမ်မီနေး အလိုက်သင့်ပိတ်သွင်းပြီး (၁-၃)ဖြစ်သွားပေမယ့် ပွဲကိုထိန်းထားနိုင်စွမ်းကတော့ တော်တော်လေး အားနည်းခဲ့တာပါ။ ပွဲချိန်(၆၂)မိနစ်မှာ ဇီယက်ချ် က ဖရီးကစ်ကနေ ဒုတိယချေပဂိုးပြန်သွင်းပေးခဲ့ပြီး အိုနာနာ က သူ့ဆီတည့်တည့်လာတဲ့ ကန်ချက် ကနေ ဂိုးပေးလိုက်ရတာဖြစ်ပြီး ရောင်းချက်ကတော့ လက်ကုန်ပါပဲ။(၂-၃)ဖြစ်သွားချိန်မှာ ဂါလာတာစာရေးက တိုက်စစ်ကိုပိုတင်ကစားခဲ့ပြီး ဇီယက်ချ် ရဲ့ ဖန်တီးမှုကနေပဲ ပွဲချိန် (၇၁)မိနစ်မှာ Akturkoglu က တတိယချေပဂိုးသွင်းပြီး (၃-၃)ဖြစ်စေခဲ့ပါတယ်။
ပွဲချိန် (၇၅)မိနစ်နောက်ပိုင်းမှာတော့ ဂါလာတာစာရေးအသင်း ကစားအား သိသိသာသာကိုကျသွားပြီး မန်ယူအသင်းအခွင့်အရေးတွေပိုရခဲ့ပါတယ်။ ဂိုးအဖြစ်ပြောင်းလဲနိုင်တဲ့ အနေအထားတွေရှိခဲ့ပေမယ့် ဂိုးအဖြစ်မပြောင်းလဲနိုင်ခဲ့ပဲ ပယ်လီစထရီ လည်း အပိုင်ကန်ခွင့်တစ်ကြိမ် ရခဲ့ပါသေးတယ်။ လက်ရှိအနေအထားကတော့ ချန်ပီယံလိဂ်ကို နှုတ်ဆက်ရုံပါပဲ။ ချန်ပီယံလိဂ်မှာ နိုင်ပွဲရအောင် ဘယ်လိုကစားရမလဲမသိဘူးလို့ပဲ ထပ်ပြောရပါလိမ့်မယ်။
ရိုးမားအသင်းကို ပြောင်းရွှေ့မယ့် လူကာကူ
လူကာကူ ဟာ ဒီနေ့ နေ့လည်မှာ ရိုးမားကို သွားရောက်မှာဖြစ်ပြီး အငှားကြေးက ယူရို(၅)သန်းအထက်ဖြစ်ပါတယ်။
Read Moreဆီဗီလာအသင်းကို ပြောင်းရွှေ့ခဲ့တဲ့ ရာမို့စ်
PSG ကနေ ထွက်ခဲ့တဲ့ အချိန်အရောက်မှာ ရာမို့စ် ရဲ့ အနာဂတ်ဟာ ဘယ်ကိုရောက်မလဲဆိုတာ စိတ်ဝင်စားစရာဖြစ်ခဲ့ပါတယ်။
Read Moreရမှတ်ခွဲယူခဲ့ကြတဲ့ လီဗာပူးလ်နဲ့ အာဆင်နယ်
ဒုတိယပိုင်းမှာတော့ ပွဲက ပထမပိုင်းကလောက် မကောင်းတော့ပဲ လီဗာပူးလ်ကတော့ အာဆင်နယ်ထက်ပိုကောင်းအောင် ကစားလာနိုင်ခဲ့ပါတယ်။
Read Moreအစဥ်အလာဆိုးကိုဆက်ထိန်းသွားတဲ့ အာဆင်နယ်
အဝေးကွင်းမှာ သရေရလည်း မဆိုးပါဘူးလုပ်နေတဲ့ အချိန်မှာ မထင်မှတ်ပဲ ရှုံးပွဲနဲ့ကြုံတွေ့ခဲ့ရတာဖြစ်ပါတယ်။
Read Moreလီဗာပူးလ် - ချယ်လ်ဆီး ပွဲကြိုသုံးသပ်ချက်
ဒီပွဲမှာ ချယ်လ်ဆီးက ဘယ်လိုရလဒ်ပဲ ထွက်ထွက်ဖိအားကင်းကင်းနဲ့ ကစားရမှာက ကျေနပ်စရာပါ။
Read More