နောက်ကျဂိုးတွေနဲ့ မန်ယူကို နိုင်ခဲ့တဲ့ အာဆင်နယ်
----------------------------------------------------------
အာဆင်နယ် ၃ - ၁ မန်ယူ
အာဆင်နယ် က တစ်ပွဲလုံး အနိုင်ရဖို့ကြိုးစားခဲ့တယ်။ မန်ယူကလည်း အကောင်းဆုံး တုံ့ပြန်ခဲ့တယ်။ဒီတော့ အပြန်အလှန် ထိုးဖောက်မှုတွေကို မြင်ခဲ့ရပြီး ပွဲက မြိုင်မြိုင်ဆိုင်ဆိုင်လည်း ရှိခဲ့ပါတယ်။
ဦးဆောင်ဂိုးကိုတော့ မန်ယူက စရခဲ့တာပါ။ ပွဲချိန်(၂၇)မိနစ်မှာ ဟာဗက်ဇ် ရောင်းလိုက်တဲ့ ဘောလုံးကို အဲရစ်ဆင် က ရက်ရှ်ဖို့ဒ် လမ်းကြောင်းထဲ ထည့်ပေးလိုက်ပြီး ရက်ရှ်ဖို့ဒ် က ဘန်ဝှိုက် နဲ့ ဆလီဘာ တို့တားဆီးနေတဲ့ကြားက ကန်သွင်းယူခဲ့တာဖြစ်ပါတယ်။ ဒါပေမယ့် ချက်ခြင်းဆိုသလိုပဲ အာဆင်နယ် ချေပဂိုးရခဲ့ပြီး မန်ယူအထနှေးသွားတာကို အခွင့်အရေးအမြန်ယူကာ မာတင်နယ်လီ ခင်းပေးလိုက်တဲ့ ဘောလုံးကို အိုဒီဂတ် က ပွဲချိန်(၂၈)မိနစ်မှာ သူ့ရဲ့ပုံစံအတိုင်း ကန်သွင်းယူခဲ့တာဖြစ်ပါတယ်။
ဒုတိယပိုင်းမှာတော့ အာဆင်နယ် က ပထမပိုင်းကထက်ပိုကောင်းလာခဲ့သလို ပွဲကိုလည်း ပိုစီးလာနိုင်ခဲ့ပါတယ်။ ဒါပေမယ့် သိသိသာသာကြီး အသာစီးယူနေတာမျိုးတော့မဟုတ်ပါဘူး။ ဒီအချိန်မှာ မန်ယူအတွက် ခက်ခဲဖို့အရာတွေက ဆက်တိုက်ဆိုသလိုဖြစ်လာပါတော့တယ်။ ကက်စ်မဲရိုး ၊ အဲရစ်ဆင် ကွင်းလယ်ကျလာချိန်မှာ မာတီနက်ဇ် နာ သွားပြီး မက်ဂွိုင်းယား လူစားဝင်လာခဲ့တာက အသင်းရဲ့ အထိုင်ကိုပျက်သွားစေတော့တာပါပဲ။ ဒီအချိန်မှာ အာဆင်နယ် က ဂျေးဆု ၊ တိုမီယာဆု ၊ ဗီအဲရာ တို့ကိုထည့်ပြီး ပွဲကိုဖြတ်ဖို့ ကြိုးစားလာပါတော့တယ်။
ပွဲချိန်(၈၉)မိနစ်မှာ မန်ယူအသင်းအတွက် ဂါနာချို ဂိုးသွင်းပေးခဲ့ပေမယ့် VAR က လူကျွံဘောဆိုပြီး ပယ်ဖျက်ခဲ့လို့ မန်ယူအသင်း နစ်နာခဲ့ရကာ ပွဲကအလှည့်အပြောင်းဖြစ်သွားပါတော့တယ်။ ပွဲချိန်(၉၆)မိနစ်မှာတော့ အာဆင်နယ် အနိုင်ဂိုးစရခဲ့သလို ဒီကလန်ရိုက်စ် ကန်သွင်းယူခဲ့တာဖြစ်ပြီး လွတ်နေတဲ့နေရာ တက်မကာတဲ့ မက်ဂွိုင်းယား ၊ ပိတ်ထားတဲ့နေရာ ကောင်းကောင်းမကာကွယ်နိုင်တဲ့ အိုနာနာ တို့ကြောင့် ပေးလိုက်ရတာပါ။ အာဆင်နယ်အတွက် တတိယဂိုးကိုတော့ (၉၀+၁၁)မိနစ်မှာ ဂျေးဆု က တန်ပြန်တိုက်စစ်ကနေ အခွင့်အရေးရပြီး သွင်းယူပေးခဲ့တာဖြစ်ပါတယ်။
လက်ရှိမှာတော့ အာဆင်နယ် က (၄)ပွဲကစား (၁၀)မှတ်ရရှိထားပြီး (၆)မှတ်သာ ရယူထားနိုင်သေးတဲ့ မန်ယူအတွက်တော့ ဒီထက်ပိုကောင်းအောင်မှ ရှေ့လာမယ့်ပွဲတွေမကစားနိုင်ရင် အသင်းတိုင်းတိုးတက်လာတဲ့ ပရီးမီးယားလိဂ်မှာ ထိပ်သီး(၄)သင်းစာရင်းဝင်ဖို့တောင် ခက်ခဲနိုင်ပါတယ်။
ဘိုင်ယန်မြူးနစ်အသင်းရဲ့ ကမ်းလှမ်းမှုကို ပယ်ချခဲ့တဲ့ စပါး
ဒီတစ်ကြိမ်မှာ ဘိုင်ယန်မြူးနစ်အသင်းဟာ ဟယ်ရီကိန်း အတွက် ယူရိုသန်း(၁၀၀)တန် ကမ်းလှမ်းမှုကို ပြုလုပ်ခဲ့တာပါ။
Read Moreချန်ပီယံလိဂ်(၁၆)သင်း အဆင့်ကို တက်ရောက်နိုင်ခဲ့တဲ့ အသင်းတွေထွက်ပေါ်
စပိန်ကလပ်အသင်း (၄)သင်း (၁၆)သင်းရှုံးထွက်အဆင့်ကိုတက်ရောက်နိုင်ခဲ့ပါတယ်။
Read Moreဆန်ချိုကို ရောင်းဖို့ရှိနေတဲ့ မန်ယူ
ဆန်ချို က မတောင်းပန်တော့ အသင်းမှာ မသုံးတော့တာ ဘာမှမဆန်းပါဘူး။
Read Moreချယ်လ်ဆီးကစားသမား ဖြစ်လာတဲ့ လာဗီယာ
Add-ons ကြေးလည်း ပါဝင်တာကြောင့် အနာဂတ်မှာ ပြောင်းရွှေ့ကြေးဟာ ပေါင်(၅၈)သန်းထိ မြင့်တက်လာနိုင်ပါတယ်။
Read Moreချယ်လ်ဆီး စိတ်ဝင်စားနေတဲ့ တိုက်စစ်ကစားသမား
ပယ်လ်မာ ကို မခေါ်ခင်တည်းက စိတ်ဝင်စားနေခဲ့တဲ့ ကစားသမားတစ်ဦး ဖြစ်ပါတယ်။
Read More