လူမစုံတဲ့ စပါးကိုတောင် မနိုင်တဲ့ မန်ယူ
-----------------------------
မန်ယူ ၂ - ၂ စပါး
စပါးကိုဆို အမြဲနိုင်တဲ့ မန်ယူကနေ စပါးကိုမနိုင်တော့တဲ့ မန်ယူအဖြစ် ပြောင်းလဲသွားပြီလို့ ပြောရပါလိမ့်မယ်။ နောက်ဆုံး (၃)ပွဲဆက် စပါးကိုမနိုင်ခဲ့တာဖြစ်ပြီး လူမစုံတဲ့ စပါးကိုတောင် အနိုင်မကန်နိုင်တော့ပါဘူး။
ပွဲအစ (၃)မိနစ်မှာပဲ မန်ယူဂိုးစရပါတယ်။ ရက်ရှ်ဖို့ဒ် ထိုးဖောက်တာလိုအပ်ချက်ကနေ ဟွိုင်းလွန် ကန်ခွင့်ရပြီး ကန်ချက်ပြင်းပြင်းနဲ့ ကန်သွင်းယူခဲ့တာဖြစ်ပါတယ်။ ရက်ရှ်ဖို့ဒ် ၊ ဂါနာချို ၊ ဟွိုင်းလွန် တို့ တိုက်စစ်အတွဲက မဆိုးပေမယ့် ကွင်းလယ်ကတော့ တော်တော်ကို ပုံစံပျက်ပါတယ်။ မိုင်နူး နဲ့ အဲရစ်ဆင် ပုံမှန်အောက်ရောက်နေသလို အီဗန်စ် ၊ ဗာရန်း အတွဲကလည်း ပုံမှန်ခြေစွမ်းရှိမနေပါဘူး။ ဘစ်ဆာကာ ကို ဘယ်ခြမ်းခံစစ်ထားတာကလည်း အလုပ်မဖြစ်ပဲ ဘောလုံးလှည့်နေတာက ကစားကွက်ကို နှောင့်နေးစေပါတယ်။
ဒီတော့လည်း စပါး ချေပဂိုးတွေလွယ်လွယ်ပြန်ရတာ ဘာမှမဆန်းဘူးလို့ပဲ ပြောရပါလိမ့်မယ်။ ပွဲချိန် (၁၉)မိနစ်မှာတော့ ရစ်ချာလီဆန် က ထောင့်ကန်ဘောကနေ ခေါင်းတိုက်ပြီး စပါးအတွက် ချေပဂိုးပြန်သွင်းပေးခဲ့ပါတယ်။ ပွဲချိန်မိနစ် (၄၀)မှာ မန်ယူအသင်း ဦးဆောင်ဂိုးထပ်ရပြီး ရက်ရှ်ဖို့ဒ် က သွင်းယူခဲ့တာကြောင့် ပထမပိုင်းမှာတော့ မန်ယူအသင်းက ပွဲကိုဦးဆောင်နေခဲ့ပါတယ်။
ဒီပွဲအတွက် စပါးဘက်မှာတော့ ချီးကျူးရမယ့် ကစားသမား (၂)ယောက်ရှိပါတယ်။ သူတို့ကတော့ ဘင်တကူ နဲ့ အူဒိုဂီ ပါ။ ဘင်တကူ ကတော့ သူတစ်ယောက်တည်းအားနဲ့ မန်ယူကွင်းလယ်တစ်ခုလုံးကို ယှဥ်သွားပြီး တော်တော်လေးကို အစွမ်းပြသွားခဲ့ပါတယ်။ အူဒိုဂီ ကတော့ ဂါနာချို ကို တော်တော်လေးထိန်းချုပ်နိင်ခဲ့ပြီး သူ့ကြောင့်သာမဟုတ်ရင် စပါးဒီပွဲ သရေရဖို့ဆိုတာမလွယ်ပါဘူး။ ဒုတိယပိုင်းအစ ပွဲချိန် (၄၆)မိနစ်မှာတော့ စပါးချေပဂိုးရခဲ့ပြီး အဲရစ်ဆင် ၊ အီဗန်စ် ၊ အိုနာနာ တို့ရဲ့ အားနည်းချက်တွေကနေ ဘင်တကူ က ကန်သွင်းယူခဲ့တာဖြစ်ပါတယ်။
မန်ယူအသင်းရဲ့ အားနည်းနေတဲ့ နေရာတွေအတွက် အဲရစ်ဆင် ၊ အီဗန်စ် အစား တွမ်မီနေး ၊ မာတီနက်ဇ် တို့ကို တန်ဟက် ထည့်ခဲ့ပေမယ့် တွမ်မီနေး က ကယ်တင်ရှင်မဖြစ်ခဲ့ပဲ ဖြုန်းတီးသူသာဖြစ်ခဲ့ပါတယ်။ ဧရိယာထိပ်ကန်ချက်တစ်ကြိမ် နဲ့ နောက်ဆုံးမိနစ်အပိုင်ခေါင်းတိုက်ချက်တွေကို တွမ်မီနေး ဖြုန်းခဲ့လို့လည်း မန်ယူအသင်းသရေပဲ ရခဲ့တာဖြစ်ပါတယ်။
အပြိုင်ရှုံးကြတဲ့ အာဂျင်တီးနား နဲ့ ဘရာဇီးလ်
အာဂျင်တီးနား က အိမ်ကွင်းမှာ ဥရုဂွေးကို (၀-၂)နဲ့ ရှုံးတာဖြစ်ပြီး ဘရာဇီးလ် က ကိုလံဘီယာ ကို (၂-၁)နဲ့ ရှုံးခဲ့တာပါ။
Read Moreချယ်လ်ဆီးကို ဂိုးပြတ်အနိုင်ယူခဲ့တဲ့ လီဗာပူးလ်
ဒီတစ်ခါမှာတော့ လီဗာပူးလ်အသင်းရဲ့ ဂိုးပြတ်ရလဒ်နဲ့အတူ ပြီးဆုံးသွားခဲ့ပါပြီ။
Read MorePSG က ထွက်မယ့် ဘာပေ
ဘာပေ PSG ကသာထွက်ရင် ပြောင်းမယ့်အသင်းက ရီးယဲလ်သာဖြစ်လို့ဒီလိုသတင်းထွက်လာတာ ဘာမှတော့မဆန်းပါဘူး။
Read Moreတစ်လတာအကောင်းဆုံး ဆုတွေကို ရရှိခဲ့ကြတဲ့ ပိုစတီကိုဂလူး နဲ့ ဆွန်ဟောင်မင်
စက်တင်ဘာလထဲမှာတော့ စပါးအသင်းဟာ ပရီးမီးယားလိဂ်(၄)ပွဲကစားခဲ့ပြီး (၃)ပွဲနိုင် ၊ (၁)ပွဲသရေရလဒ် ရရှိခဲ့ပါတယ်။
Read Moreဝက်စ်ဟမ်းကို ပြောင်းမယ့် ကယ်ဗင်ဖိလစ်
ဆေးစစ်မှုတွေကိုတော့ ဒီနေ့ (ဗုဒ္ဓဟူး)မှာပြုလုပ်သွားမှာဖြစ်ပါတယ်။
Read More