ပရီးမီးယားလိဂ် ဒိုင်ယာရီ (၁၅)+(၁၆)

ပရီးမီးယားလိဂ် ဒိုင်ယာရီ (၁၅)+(၁၆)" မှန်းဆရခက်ခဲတဲ့ ပရီးမီးယားလိဂ် "

⚽⚽⚽⚽ 

⚽ လူတန်ကို နိုင်တာ ချန်ပီယံကံကြမ္မာတဲ့လား။ ဒီကလန်ရိုက်စ်ရဲ့ နောက်ဆုံးမိနစ် ခေါင်းတိုက်အနိုင်ဂိုးကလည်း ပျော်စရာပါ။ ငါတို့က ဂန်းနား တွေလို့ ကြွေးကြော်ကြသည်ပေါ့။⚽ ဗီလာပတ်မှာတော့ ကြေကွဲမှုသံစဥ်တွေက လွှမ်းခြုံလို့။ ဒါကသာ ပရီးမီးယားလိဂ်ဖြစ်သည် ဆိုတာမှာလည်း ကိုယ်တွေငြင်းချက်မထုတ်နိုင်ခဲ့ပါဘူး။ ဒါပေမယ့်အာဆင်နယ် မှာ မျှော်လင့်ချက်တွေရှိနေတုန်းပါ။ 

⚽ ချယ်လ်ဆီးကို နိုင်တဲ့ပွဲကပျော်စရာအတိ။ မျှော်လင့်ချက်အတိ။ ရှေ့ဆက်မယ့် စိတ်ကူးအိမ်မက်အတိပေါ့။ ခြေစွမ်းကလည်းအားရစရာ။ အိုးထရက်ဖို့ဒ်ဟာတွမ်မီနေး အတွက်ပါဆိုလည်းနားထောင်ကောင်းတဲ့ ပုံပြင်တစ်ပုဒ်ဖြစ်ခဲ့တယ်။⚽ ရိုလာကိုစတာက အပေါ်ပြီးအောက် အလှည့်ပေါ့။ ဒီကောင်တွေက ဒီလိုပဲ။ မျှော်လင့်ချက် ရိုက်ချိုးသူတွေဆိုတဲ့ အသံကလည်း ညံလို့။ အဖြေမရှိတဲ့ ပုစ္ဆာတစ်ပုဒ်လို့ဆိုလာရင် ဒါဟာ မန်ယူအသင်းရဲ့ရှုံးပွဲပါပဲ။ ဒီလိုနဲ့ စနေညက တိတ်ဆိတ်ခဲ့ရပြန်တယ်။ 

⚽ ရှက်ဖီးလ်ကို (၀-၂) ၊ ပဲလေ့စ်ကို (၁-၂)ဆိုတာတွေက ပုံမှန်ထက်ပိုတဲ့ ရလဒ်တွေပါ။ ပရီးမီးယားလိဂ်မှာ နိုင်ပွဲတစ်ပွဲ ရမှတ်(၃)မှတ်က အချိန်တိုင်း အရေးကြီးပါတယ်။ဒီကာလမှာ အဝေးကွင်း(၃)မှတ်ဆိုတာပိုလို့တောင် တန်ဖိုးရှိတဲ့ အရာမဟုတ်လား။ ဒီလိုနဲ့ပဲလီဗာပူးလ် လည်း အဆင့်(၁)ဆီ တက်လှမ်းခဲ့သည်ပေါ့။ 

⚽ ဗီလာဘက်ကို မန်စီးတီး က (၂)ကြိမ်သာကန်နိုင်ခဲ့တယ်ဆိုတဲ့ အထိ ပရီးမီးယားလိဂ်က ခြောက်ခြားစရာဖြစ်ခဲ့တယ်။ (၄)ပွဲဆက် နိုင်ပွဲပျောက်မှုမှာ (၄)နှစ်ဆက်ချန်ပီယံမဖြစ်ကြဘူးဆိုတာက မန်စီးတီးကို ဆီးကြိုလို့။

⚽ ဟာလန်း မပါတဲ့ မန်စီးတီးဟာ ဂိုးမသွင်းတတ်တော့ဘူးတဲ့လား။ လူတန်ကို ဂိုးသွင်းဖို့ သူတို့မှာ အဖြေမဲ့ခဲ့တယ်။အချိန်တန်ရင် မန်စီးတီး က မန်စီးတီးပါပဲ မဟုတ်ဘူး။ (၂)သင်းကြား အရည်အချင်းကွာလို့သာ နိုင်ခဲ့တာ။ မန်စီးတီးမှာ လျှော့ကျမှုတွေရှိနေပြီဆိုတာ လက်ခံကြရတော့မယ်။ 

⚽ မန်ယူ အပြီး အဲဗာတန်နဲ့ အတွေ့မှာလည်း ထပ်ကျကွဲခဲ့တဲ့ ချယ်လ်ဆီးရဲ့ကံကြမ္မာက ဆိုးဝါးလွန်းတယ်။ အခုလည်း အဆင့်(၁၂)တဲ့။ ဒီအသင်းကဒီလောက်ပဲလား ဆိုတာတွေ ညံနေသလို ဒီအသင်း အားပေးသူတွေမှာလည်း တိတ်ဆိတ်ငြိမ်သက်ကြလို့။မှန်းဆရခက်ခဲတဲ့ ပရီးမီးယားလိဂ်ဆိုပေမယ့် ချယ်လ်ဆီး ဆို အရှုံးဘက်ယိမ်းတယ်ဆိုတာ မှန်းလို့လွယ်နေခဲ့တယ်။