အပြန်အလှန်သွင်းဂိုးတွေနဲ့ သရေကျခဲ့ကြတဲ့ မန်စီးတီး နဲ့ စပါး
---------------------------------
မန်စီးတီး ၃ - ၃ စပါး
ပရီးမီးယားလိဂ်ဆိုတာ ဒါပါပဲလို့ တွေးမိခဲ့သလို စပါးနဲ့တွေ့တိုင်း ခက်ခဲတတ်တယ်ဆိုတဲ့ အစဥ်အလာကိုလည်း မန်စီးတီးအသင်း ဆက်ထိန်းသွားခဲ့ပါတယ်။ မန်စီးတီး နိုင်ကိုနိုင်မယ်လို့ ထင်ထားတဲ့ ပွဲမျိုးမှာ သရေကျခဲ့တာဖြစ်ပြီး ကံတရားက မန်စီးတီးဘက်မှာရှိမနေခဲ့တာလည်း ဖြစ်ပါတယ်။
စပါးကတော့ ထုံးစံအတိုင်း မြန်မြန်ဆန်ဆန် တိုက်စစ်ဆင်မယ်။ တိုးမယ်။ ကစားသမားတွေရဲ့ တစ်ကိုယ်တော်အစွမ်းကို အားကိုးမယ်။ နေရာလွတ်ရအောင်လုပ်မယ် ဆိုတဲ့ ပုံစံနဲ့ မန်စီးတီးကိုရင်ဆိုင်ခဲ့တာပါ။ ဒီလိုကစားနေရင်းကပဲ ဦးဆောင်ဂိုးစရခဲ့ပြီး ပွဲချိန် (၆)မိနစ်မှာ ဆွန်ဟောင်မင် က တစ်ကိုယ်တော်အစွမ်းနဲ့ စပါးအတွက် ဦးဆောင်ဂိုးသွင်းပေးခဲ့ပါတယ်။ ဒီပွဲမှာ မန်စီးတီးရဲ့ ဖိအားပေးမှုကို စပါးလုံးဝမခံနိုင်ခဲ့သလို ခံစစ်ကလည်း အမှားတွေများခဲ့ပြီး ပွဲချိန် (၉)မိနစ်မှာတင် အယ်ဗာရက်ဇ် ရဲ့ဖြတ်တင်ဘော ဆွန်ဟောင်မင် နဲ့ထိ ဂိုးဝင်ခဲ့လို့ တစ်ခဏအတွင်းမှာပဲ သရေပြန်ဖြစ်သွားခဲ့ပါတယ်။
နောက်ပိုင်းအချိန်တွေမှာ မန်စီးတီးလုပ်သမျှဖြစ်သွားပြီး မန်စီးတီးအသင်း ရခဲ့တဲ့ အခွင့်အရေးတွေကိုဖြုန်းခဲ့ပါတယ်။ ပွဲချိန်(၃၁)မိနစ်မှာ မန်စီးတီး ဒုတိယဂိုးရခဲ့ပြီး အကွက်မြင်ပြီး အတွဲအဖက်ညီလှတဲ့ တွဲလုံးတွေကနေ ဖိုဒန် က သွင်းယူခဲ့တာဖြစ်ပါတယ်။ ပထမပိုင်းကတော့ တစ်ပိုင်းလုံး မြိုင်ဆိုင်ခဲ့ပေမယ့် ဒုတိယပိုင်းကတော့ အစပိုင်းမှာ အေးစက်စက်ရှိခဲ့ပါတယ်။
ဒီအနေအထားကို နှိုးဆွလိုက်တာကတော့ လိုဆယ်ဆို ဖြစ်ပြီး ပွဲချိန်(၆၉)မိနစ်မှာ အဝေးကန်ချက်နဲ့ စပါးအတွက် ဒုတိယချေပဂိုးသွင်းပေးခဲ့ပါတယ်။ (၂-၂)ဖြစ်သွားချိန်မှာ မန်စီးတီးအသင်း အနိုင်ဂိုးထပ်ရဖို့ ပိုကြိုးစားလာခဲ့ပြီး ပွဲချိန် (၈၁)မိနစ်မှာ ဟာလန်း ချိုးပေးတဲ့ ဘောလုံးကို ဂယ်ရီလစ်ချ် က ပိတ်သွင်းကာ (၃-၂)ဖြစ်သွားခဲ့ပါတယ်။
မန်စီးတီးနိုင်ပါပြီလို့ ထင်ထားချိန်မှာပဲ စပါးအသင်းမထင်မှတ်ပဲ ကူလူဆက်စကီး ရဲ့ ပွဲချိန်မိနစ် (၉၀)ခေါင်းတိုက်ဂိုး နဲ့ ပွဲကို (၃-၃)ပြန်ဖြစ်စေခဲ့ပါတယ်။ မန်စီးတီး ကြိုးစားထားသမျှ စပါးအသင်းက မရရအောင် လိုက်ဖျက်တဲ့ပုံစံဖြစ်သွားပြီး နောက်ဆုံးမှာတော့ သရေရလဒ်နဲ့သာပွဲပြီးခဲ့ပါတယ်။ ပွဲပြီးခါနီး ကွင်းလယ်ဒိုင်ရဲ့ ဆုံးဖြတ်ချက်က အငြင်းပွားစရာဖြစ်ခဲ့သလို ဒီပွဲအပေါ် အနှစ်ချုပ်အမြင်က မန်စီးတီး ကံဆိုးခဲ့ပြီး စပါးက ကံကောင်းလွန်းခဲ့တယ် ဆိုတာပဲ ဖြစ်ပါတယ်။
ဘာမင်ဂမ် မှာ ခက်ခဲနေတဲ့ ရွန်နီ
ရွန်နီ ဟာ သူ့ရဲ့အရည်အချင်းပိုကိုပြသပြီး နည်းပြဘဝနောက်တစ်ဆင့်ကိုတက်ဖို့ အင်္ဂလန်ကို ပြန်ရောက်လာခဲ့ပေမယ့် ခက်ခဲမှုတွေနဲ့ ရင်ဆိုင်နေရတာပါ။
Read Moreနောက်ပွဲတွေလွဲနိုင်တဲ့ ဘာပေ
ယူရိုနဲ့ပတ်သက်ရင် လိုအပ်ချက်ကြီးနေတုန်းလို့သာ ပြောရမှာပါ။
Read Moreဒဏ်ရာကနေ ပြန်လာပြီဖြစ်တဲ့ ဂျေးဆု
ဂျေးဆု မကြာခဏဒဏ်ရာရမနေဖို့ဖြစ်ပြီး မဟုတ်ရင် ကျဥ်းထဲကျပ်ထဲရောက်ချိန်မှာ အခက်အခဲအများကြီးဖြစ်လာနိုင်ပါတယ်။
Read Moreဗီလာကို Comeback နဲ့ အနိုင်ယူပြီး ဖိအားအနည်းငယ် လျှော့ချနိုင်ခဲ့တဲ့ မန်ယူ
နည်းပြတန်ဟက် လည်း ဖိအားအနည်းငယ်လျှော့ချနိုင်ခဲ့ပါတယ်။
Read Moreကာတာမြေကို ပြောင်းရွှေ့ခဲ့တဲ့ ကော်တင်ဟို
လီဗာပူးလ်ကနေ ဘာစီလိုနာ ပြောင်းခဲ့တာက အခုလိုဖြစ်ရခြင်းတွေရဲ့ မြစ်ဖျားခံရာပါပဲ။
Read More